Kişi boksçulardan ibarət Azərbaycan millisinin növbəti təlim-məşq toplanışına start verilib. Sport24.az saytı xəbər verir ki, baş məşqçi Umberto Orta Domingezin rəhbərliyi altında bir araya gələn yığma hazırlığı Bakı Boks Mərkəzində keçir.  

Gündə 2 dəfə məşq edən komandanın düşərgəsinə 21 boksçu dəvət olunub. Bu gün başlayan toplanışın ilkin mərhələsi dekabrın 9-dək nəzərdə tutulub.

Yığma ardınca məşqləri Abşeron Olimpiya İdman Kompleksində davam etdirəcək. Burdakı hazırlıq isə dekabrın 9-27-də gerçəkləşəcək. Baş məşqçi ardınca komandaya 4 günlük istirahət verməyi planlaşdırır.