Rusiyanın Yekaterinburq şəhərində keçiriləcək boks üzrə dünya çempionatının püşkü atılıb. Sport24.az xəbər verir ki, 78 ölkədən 365 idmançının qatılacağı mundialda Azərbaycan yığmasının üzvlərinin də ilk rəqibləri bəlli olub.
Millimizin heyətində 4 boksçumuz 1/32, digər 4-ü 1/16 finaldan yarışa qoşulacaqlar.
Qeyd edək ki, dünya çempionatı yeni qaydalara əsasən 8 çəkidə təşkil olunacaq. Yekaterinburqda EXPO Arenada baş tutacaq yarışda təsnifat mərhələsinin döyüşləri sentyabrın 9-17-də keçiriləcək. Ayın 18-də boksçular 1/4 final mərhələsinin qarşılaşmalarına çıxacaqlar. Ertəsi gün istirahət edəcək idmançılar sentyabrın 20-də yarımfinal görüşlərini keçirəcəklər. Qaliblərin adına isə ayın 21-də aydınlıq gələcək.
9 sentyabr 1/32 final 75 kq. Amin Kuşkov – Nursahat Pazziyev (Türkmənistan)
11 sentyabr 1/32 final 57 kq. Tayfur Əliyev – Tiaqo Puqno (İsveçrə)
12 sentyabr 1/32 final 63 kq. Bəxtiyar Qazıbəyov – Safyullin (Qazaxıstan)
13 sentyabr 1/32 final 69 kq. Lorenzo Sotomayor – Yason Mallya (Avstriya)
14 sentyabr 1/16 final 52 kq. Məsud Yusifzadə – Səid Mortaji (Mərakeş)
15 sentyabr 1/16 final 81 kq. Dominqes Alfonso – Qazimaqomed Calidov (İspaniya)/Aleksa Markoviç (Serbiya) 91 kq. İsmayıl Yaqubov – Marat Xihoryan (Ukrayna)
16 sentyabr 1/16 final +91 kq. Məhəmməd Abdullayev – Danabieke Bayıkevuzi (Çin)
