19 yaşadək futbolçulardan ibarət "Qarabağ" komandası AFFA Gənclər Liqasının qalibi olub. Sport24.az xəbər verir ki, "atlılar" buna 2025-2026-cı illər mövsümünün son turunda nail olub.
II mərhələdə A qrupunda mübarizə aparan komanda X turda "Neftçi"ni qəbul edib. Qarşılaşma Sərhədçi İdman Mərkəzinin stadionunda keçirilib.
Rəqibini 2:1 hesabı ilə məğlub edən "Qarabağ" xallarının sayını 25-ə çatdırıb. Bununla da 1-ci yeri tutan "atlılar" Azərbaycan çempionu adına sahib çıxıb.
Qeyd edək ki, U-19 komandamız ölkəmizi 2026/27 mövsümündə UEFA Gənclər Liqasının Çempionlar yolunda təmsil edəcək.
