"Kəpəz" yeni mövsüm üçün transfer çalışmalarını davam etdirir. Sport24.az-ın əldə etdiyi məlumata görə, müdafiəçi Hüseyn Babayev hazırda Gəncə təmsilçisinin düşərgəsindədir.
Ötən mövsüm I Liqada "Baku Sportinq"in formasını geyinən 23 yaşlı futbolçu məşqçilər korpusunun baxışından keçir.
Klub rəhbərliyi və məşqçilər heyəti Babayevin çıxışını dəyərləndirdikdən sonra onunla bağlı yekun qərar verəcək. Müdafiəçinin komandada qalıb-qalmayacağı yaxın günlərdə dəqiqləşəcək.
Qeyd edək ki, Hüseyn Babayev "Neftçi"nin yetirməsidir və ötən mövsüm I Liqada "Baku Sportinq"in heyətində çıxış edib.
