Premyer Liqada yeni mövsümə artıq start verilsə də, "Sumqayıt" transfer çalışmalarını davam etdirir. Sport24.az-ın əldə etdiyi məlumata görə, "kimyaçılar"ın düşərgəsinə yeni futbolçu qoşulub.
Müdafiəçi mövqeyində çıxış edən, ancaq dəqiqləşdirə bilmədiyimiz brazilyalı dünəndən komanda ilə məşqə çıxır. Son mövsümü Malta çempionatında keçirən futbolçu ilə bağlı qərar yaxın günlərdə veriləcək.
Qeyd edək ki, "Sumqayıt" mövsümlərarası fasilədə Rəhim Sadıxov, Fernando Medeiros, Slavişa Radoviç, Nikola Vuynoviç və Sərtan Taşkınla müqavilə bağlayıb
