Azərbaycan millisinin AVRO-2024-ün seçmə mərhələsində Avstriya ilə səfər oyununun məkaı dəqiqləşib. Sport24.az xəbər verir ki, Avstriya Futbol Assosiasiyasının maliyyə meneceri Bernhard Neuhold görüşün Lins şəhəridə keçiriləcəyi açıqlayıb.
O vurğulayıb ki, seçmə mərhələdə Azərbaycan və Estoniya ilə ilk iki ev matçı yeni tikilən “Raiffeisen Arena”da baş tutacaq.
Bununla Avstriya yığması 1981-ci ildən sonra ilk dəfə Linsdə rəsmi görüşə çıxacaq. 17 min tamaşaçı tutumuna malik “Raiffeisen Arena”da açılış matçı fevralın 24-də ölkə çempionatının XIX turu çərçivəsində LASK-la “Lustenau” arasında olacaq.
Onu da bildirək ki, AVRO-2024-ün seçmə mərhələsinin ilk iki turunda Avstriya millisi martın 24-də Azərbaycanı, 27-də isə Estoniyanı qəbul edəcək.
