"Komandamızın hazırkı durumu yaxşıdır və qələbə qazanmaq şansımız yüksəkdir". Bu sözləri Sport24.az-a açıqlamasında AFFA-nın Məşqçilər Komitəsinin üzvü Ağasəlim Mircavadov bildirib.
Təcrübəli mütəxəssis "Qarabağ"ın hücum və müdafiədə diqqətli oynamalı olduğunu da vurğulayıb: " Ağdam təmsilçisi əvvəlki oyunlarda çətinliklər yaşasa da, indi daha balanslı görünür. Hava şəraiti təmsilçimiz üçün münasib olmaya bilər. Heç şübhəsiz ki, bunun oyuna təsiri olacaq. Lakin onların oyun təcrübəsinin azlığı Qurban Qurbanovun komandasının işinə yarayacaq. Stadionun açıq olub-olmaması ilə bağlı məlumatım yoxdur, amma bu komandamız üçün vacib oyundu. "Qarabağ"ın diqqətli və soyuqqanlı oyunu ilə yaxşı nəticə əldə edə bilər. Hücum və müdafiədə dəqiqlik çox önəmlidir. Ağdamlıların bu oyunu qazanmaq şansı yüksəkdir, amma əsas məsələ orta xəttin oyun qurma bacarığıdır. Komandamıza uğurlar arzulayıram."
Qeyd edək ki, "Elfsborq" - "Qarabağ" matçı bu gecə Bakı vaxtı ilə saat 00:00-da başlayacaq.
