TOP 10

Qazaxıstanlı məşqçi: “Bakı yarışlara hazırlıq üçün ən yaxşı yerdi”

Gimnastika
Tarix: 2017-12-15 13:37

“Milli Gimnastika Arenasında fasiləsiz məşq prosesi üçün bütün şərait yaradılıb”. Sport24.az xəbər verir ki, bu sözləri, bədii gimnastika üzrə Şərqi Qazaxıstan komandasının məşqçisi Anara Jantasova deyib.

Onun sözlərinə görə, komanda Bakıya Qazaxıstandakı yarışlara hazırlaşmaq məqsədilə gəlib:

“Bizim gəlişimizin əsas məqsədi respublika yarışlarına hazırlaşmaqdır. Biz həmçinin, Asiya Çempionatı səviyyəsində yarışlara çıxmaq istəyirik və qeyd etmək istəyirəm ki, Bakı bizə bu işdə çox kömək olunur”.

Təlim-məşq toplanışları üçün Bakının seçilməsindən danışan A. Jantasova qeyd edib ki, Bakıda gimnastikanın bütün növləri üzrə məşqlər üçün böyük, bəlkə də regionda ən yaxşı baza mövcuddu:

“Burada bizə kömək edən çox gülərüz kollektiv çalışır. Bundan başqa, sizdə mükəmməl mütəxəssislər işləyir, fikrimcə, Bakı məşqlər üçün ən yaxşı yerdi. Arenaya gəldikdə isə onu da qeyd edim ki, burada şərtlər çox yaxşıdı. Həmçinin, arenanın özündə qalmağa otaqlar da mövcuddu. Ümumilikdə hesab edirəm ki, burada fasiləsiz məşq prosesi üçün hər bir şərait yaradılıb”.
 

17 Iyul 2018
16 Iyul 2018
B.eÇ.aÇC.aCŞB