TOP 10

“Qəbələ” təmsilçiləri "Спортивна середа" verilişində - VİDEO

Boks
Tarix: 2017-10-19 15:50

"Qəbələ" İK-nın boks bölməsinin baş məşqçisi Ramiz Mirkamalov və boksçumuz Kamran Şahsuvarlı Ukraynanın Krıvoy Roq şəhərində "ТРК Рудана" kanalının "Спортивна середа" verilişinin qonağı olublar. Sprot24.az xəbər verir ki, idmançılarımız Krıvoy Roqda qonaqpərvərliklə qarşılandıqlarını bildirib, "KB-75" komandası ilə oyunöncəsi təəssüratlarını bölüşüblər. Veriliş Azərbaycan və Ukrayna boks ənənələri və tərzləri barədə söhbətlə davam edib. 

Qeyd edək ki, "KB-75" klubu ilə beynəlxalq yoxlama görüşü 21 oktyabr tarixində baş tutacaq. Gənclər və Tələbələr İdman Sarayında baş tutacaq dueldə boksçular 7 çəki dərəcəsində üz-üzə gələcək. Ramiz Mirkamalovun baş məşqçisi olduğu komandamızı Ümüd Rüstəmov (56 kq), Elvin İsayev (64 kq), Roman Zakirov (69 kq), Kamran Şahsuvarlı (75 kq), Rauf Rəhimov (81 kq), Rahil Məmmədli (91 kq) və Məhəmmədəli Tahirzadə (+91 kq) təmsil edəcək. Döyüş yerli vaxtla saat 18:00-da başlayacaq. 

Verilişin videoyazısını təqdim edirik.


 

19 Sentyabr 2019
18 Sentyabr 2019
B.eÇ.aÇC.aCŞB