TOP 10

UEFA Super Kubokunu da “Bavariya” qazandı

Dünya Futbolu
Tarix: 2020-09-25 01:35

Bu gün futbol üzrə UEFA Super Kubokunun qalibi müəyyənləşib. Sport24.az xəbər verir ki, mükafat uğrunda həlledici oyun Macarıstanın paytaxtı Budapeştdəki “Puşkaş Arena”da baş tutub.
 

UEFA Çempionlar Liqasının son qalibi “Bavariya” (Almaniya) Avropa Liqasının ən güclüsü “Sevilya”nı (İspaniya) sınağa çəkib. Rəqiblər indiyədək hərəyə 1 dəfə bu kuboka sahib çıxdığından ikinci mükafat üçün mübarizə aparıblar.


Qarşılaşmada hesabı 13-cü dəqiqədə penalti qazanan “Sevilya” açıb. Amma Almaniya nəhəngi fasiləyə qədər buraxılan qolun əvəzini çıxmağı bacarıb. İkinci hissədə qapılara qol vurulmayııb. Bu üzdən də qalibi müəyyənləşdirmək üçün əlavə vaxta ehtiyac durulub. Məhz əlavə vaxtda daha bir qol vuran “Bavariya” əzmkar qələbə ilə Super Kubokun qalibi adını qazanıb.


UEFA Super Kuboku
24 sentyabr


“Bavariya” – “Sevilya” 2:1
Qol: Qoretska, 34. Martines, 104 – Okampos, 13-pen.
Baş hakim: Entoni Teylor (İngiltərə).
Budapeşt. “Puşkaş Arena” stadionu.

football24
26 Oktyabr 2020
25 Oktyabr 2020
B.eÇ.aÇC.aCŞB