TOP 10

“Qəbələ” Futbol Akademiyası ona tapşırıldı

Futbol
Tarix: 2020-09-23 17:20

“Qəbələ” Futbol Akademiyasının komandaları yeni mövsüm üçün hazırlığa start verib. Sport24.az xəbər verir ki, akademiya 2020/21 mövsümündə U-19, U-17, U-16, U-15 liqalarında, həmçinin U-14, U-13, U-12, U-11 və U-10 liqalarının zona yarışlarında təmsil olunacaq.


U-8 komandası da yay fasiləsinə son verərək hazırlıqlara başlayıb.


Komandaların hazırlığına 20 nəfərlik heyət rəhbərlik edir. Halim Fıçıcının klubdan ayrılmasından sonra akademiyanın baş məşqçisi vəzifəsinə Famil Xəlilov təyin olunub. O, həm də U-19 komandasını çalışdırır. Yeni mövsümdə Zaur Hacıyev U-17, Sərdar Qafarov U-16, Ülfət Mədətov U-15 komandasının baş məşqçisi olub. Şəhriyar Kərimli U-14, Namiq Əliyev U-13, Turxan Ümüdlü U-12, Təbriz Hüseynli U-11, Anar Surxayev U-10 komandasını çalışdırır. Rəvan Rəcəbov isə U-8-i yeni mövsümə hazırlaşdırır. Akademiyanın komandalarının hazırlığında qapıçı məşqçiləri Elçin Rzazadə və Oruc Quliyev də iştirak edir.

football24
29 Oktyabr 2020
B.eÇ.aÇC.aCŞB