TOP 10

Məmmədov "Qarabağ" üzərində qələbəni çox vacib saydı: "Bu qalibiyyəti bütün neftçilərə və azarkeşlərimizə həsr edirik"

Futbol
Tarix: 2020-09-20 22:34

“Neftçi”nin baş məşqçisi Füzuli Məmmədov Azərbaycan Premyer Liqasının 3-cü turu çərçivəsində “Qarabağ”a qarşı keçirdikləri oyunu şərh edib. Sport24.az xəbər verir ki, Məmmədov 2:1 hesabıyla qələbə qazandıqları matçdan sonra baş tutan mətbuat konfransında bunları söyləyib:

 

- Bu qələbəmizi bütün neftçilərə və komandamızın azarkeşlərinə həsr edirik. Avroliqa oyunundan sonra komandada yorğunluq var idi. Çalışdıq ki, oyunçuları maksimum hazırlayaq. Komandamız bu gün meydanda əzmkarlıq göstərdi. Futbolçularımızı və azarkeşlərimizi təbrik edirəm. Bu qələbə bizim üçün çox vacib idi.

 

- "Neftçi" bu gün güclü idi deyə qələbə qazandı, yoxsa "Qarabağ"ın fiziki yorğunluğundan istifadə etdi?

- Hər iki komanda yorğun idi. "Qarabağ"ın uzun yoldan gəlməsini də qeyd edərdim. Rəqibin zəif olduğunu deməzdim. Amma bu gün futbolçular meydanda mübarizə aparıb qələbə qazandılar.

 

- Tallison nə üçün ehtiyatda qalır?

- O, özünə çox diqqət yetirən futbolçudur. Bu oyunda limitə görə ehtiyatda qaldı.

 

- Prins İbara hücum xəttini gücləndirəcək futbolçudurmu?

- O, çox güclü futbolçudur. "Qalatasaray"la oyundan sonra da çox yorulmuşdu. Bu, onda hiss olunurdu. Mirabdullanın həm davranışı, həm oyuna münasibəti çox dəyişib. Belə davam etsə, əsas heyətin oyunçusuna çevrilə bilər.

 

- Sizə elə gəlmirmi ki, Antonun yoxluğu "Neftçi"yə faydalıdır?

- Anton vacib futbolçumuzdur. Səhvsiz oyunçu yoxdur. "Sumqayıt"la oyunda problemlərimiz var idi, amma indi bunlar aradan qalxıb. Bizə zaman lazım idi, mən bütün futbolçularıma inanıram.

football24
30 Oktyabr 2020
29 Oktyabr 2020
B.eÇ.aÇC.aCŞB