TOP 10

"Kəpəz"in rəsmisi: “Fanatlar bilsin ki, komanda məşqlərə başlamasa da..."

Futbol
Tarix: 2020-08-05 13:40

Sərtləşdirilmiş xüsusi karantin rejiminin tətbiq olunduğu şəhər və rayonlarda açıq havada idman yarışlarının və oyunlar da daxil olmaqla bütün kütləvi idman tədbirlərinin keçirilməsinə qoyulan qadağa qüvvədə saxlanılıb. Sport24.az xəbər verir ki, bu səbəbdən Birinci Divizionda yarışan komandaların təlim-məşq toplanışına başlaması mümkün olmayıb. 
 

Xatırladaq ki, bir müddət öncə Premyer Liqa klublarına məşq etmək üçün imkan yaradıldığından növbəti mərhələdə aşağı dəstə komandalarına da güzəşt ediləcəyi gözlənilirdi. Bu, daha çox Operativ Qərargahın idmanla bağlı fərqli qərar qəbul edəcəyindən asılı idi. Amma karantin vəziyyətində dəyişiklik olmadığından və məhdudiyyyətlər qüvvədə qaldığından məşqlərin startı növbəti dəfə təxirə salındı. 


Məsələ ilə bağlı “Kəpəz”in craçı-direktoru İlqar Nadiri mətbuat xidmətinə fikirlərini bölüşüb: “Operativ Qərargahın avqustun 3-də keçirilən iclası hamını maraqlandırırdı. Biz futbol adamları gözləyirdik ki, idmanla bağlı yumşalmalar olar, komandaların məşqlərə başlamasına icazə verilər. Başa düşürük ki, atılan addımlar, verilən qərarlar insanları xəstəlikdən qorumaq üçündür və bunu qiymətləndiririk. İnşallah, yaxın zamanlarda dəyişiklik olar və hazırlığa start verərik. Buna ümid edirik. Azarkeşlər də tez-tez sual verirlər, vəziyyətlə maraqlanırlar. Hamı futbol üçün çox darıxıb. Ötən mövsüm yarımçıq dayandırıldığından komandamız mart ayının 12-dən oyun keçirmir. Arada uzun fasilə yaranıb. Odur ki, futbolsevərlər növbəti çempionatın başlamasını sərbsizliklə gözləyirlər. Amma fanatlar bilsin ki, komanda məşqlərə başlamasa da, meydançadan kənar işləri yoluna qoymaq üzərində çalışırıq".

football24
20 Sentyabr 2020
19 Sentyabr 2020
B.eÇ.aÇC.aCŞB