TOP 10

Milliləşdirilmiş futbolçumuz şəhidlərlə bağlı paylaşım etdi - FOTO

Futbol
Tarix: 2020-07-13 11:57

Azərbaycan millisinin sabiq futbolçusu Ruslan Qurbanov cəbhə xəttində baş verənlərlə bağlı paylaşım edib. Sport24.az xəbər verir ki, 29 yaşlı milliləşmiş hücumçu "Instagram"da "Neftçi"də çıxış etdiyi dönəmdəki fotosunu paylaşıb. 

 

Belə ki, son olaraq "Keşlə"də çıxış edən Ruslanın formasının üzərində "Şəhidlər ölməz, vətən bölünməz" yazılıb. Sosial şəbəkələrdə bir neçə azərbaycanlı futbolçu da şəhidlərlə bağlı paylaşım ediblər. Onlardan bəziləri Qurbanovun fotosunu paylaşıblar. 

 

Qeyd edək ki, iyulun 12-də Ermənistan silahlı qüvvələrinin bölmələri Azərbaycan-Ermənistan dövlət sərhədinin Tovuz istiqamətində mövqelərimizi ələ keçirmək məqsədilə artilleriya atəşindən istifadə edərək hücuma keçməyə cəhd göstərib. Düşmən hücumunun qarşısını alarkən döyüşdə Azərbaycan Ordusunun hərbi qulluqçuları müddətdən artıq həqiqi hərbi xidmət hərbi qulluqçuları çavuş Sadıqov Vüqar Lətif oğlu və baş əsgər Məmmədov Elşad Dönməz oğlu şəhid olub. Həkimlərimizin səyinə baxmayaraq ağır yaralanan hərbi qulluqçumuz əsgər Daşdəmirov Xəyyam Məhəmməd oğlu da şəhid olub.

 

Azərbaycan-Ermənistan dövlət sərhədinin Tovuz istiqamətində iyulun 13-nə keçən gecə ərzində də gərginlik davam edib. Döyüşdə Azərbaycan Ordusunun hərbi qulluqçusu baş leytenant Mahmudov Rəşad Rəşid oğlu şəhid olub.
 

 

 


 

CBCsport
03 Avqust 2020
02 Avqust 2020
B.eÇ.aÇC.aCŞB