TOP 10

Super Liqa klubunda qalmaqallı ayrılıq

Dünya Futbolu
Tarix: 2020-07-02 13:30

Türkiyənin “Qaziantep” klubu qanalı yarımmüdafiəçisi Patrik Tvumasi ilə yollarını ayırıb. Sport24.az xəbər verir ki, bu barədə Super Liqa klubunun rəsmi saytı məlumat yayıb.
 

Xəbərdə futbolçunun qarşılıqlı razılıq olmadan, icazəsiz komandadan ayrıldığı diqqətə çatdırılıb:


“Mövsümün əvvəlində İspaniyanın “Alaves” klubundan bir mövsümlük icarə əsasında komandamıza transfer olunan Patrik Tvumasi, 2020-ci ilin 30 iyununda müqavilə müddətinin bitdiyini əsas gətirərək, icazəsiz olaraq klubumuzdan ayrılıb”.


“Qaziantep” futbolçunun bu addımından narazı qalıb. Məsələ burasındadı ki, FİFA koronavirus pandemiyasının yaratdığı çətinliklərlə əlaqədar, futbolçuların klubları ilə başa çatan müqavilələrinin mövsümün faktiki başa çatacağı vaxta qədər qüvvədə olmasına qərar verib. Tvumasi isə Türkiyədə mövsümün başa çatmasını gözləmədən komandadan ayrılıb. Bu üzdən də Super Liqa klubu futbolçudan Türkiyə Futbol Federasiyasına və FİFA-ya şikayət ediləcəyini bəyan edib.

CBCsport
04 Avqust 2020
03 Avqust 2020
B.eÇ.aÇC.aCŞB