TOP 10

İkiqat dünya çempionumuz Tokio-2020-də!

Digər
Tarix: 2019-12-07 13:59

Azərbaycan taekvondoçusu Milad Beiqi Harçeqani Tokio Yay Olimpiya Oyunlarına lisenziyanı təmin edib. Sport24.az xəbər verir ki, ikiqat dünya çempionumuz Moskvada keçirilən Qran-prinin finalına yüksəlməklə bu hüquqa yiyələnib. 

80 kq çəkidə mübarizə aparan Milad dünya reytinqindəki mövqeyinə əsasən Tokio-2020-də millinin heyətində yer alacaq. Hazırda dünyada ikinci olan Olimpiya mükafatçısının lisenziyası dekabrın sonunda rəsmiləşəcək. İlin son reytinqinə əsasən Olimpiadaya yollanacaq ilk taekvondoçuların adları da dəqiqləşəcək. 

 

Qeyd edək ki, taekvondoçumuzdan öncə idman gimnastları Marina Nekrasova ilə İvan Tixonov, bədii gimnast Zöhrə Ağamirova, bu növdə qrup hərəkətləri üzrə komanda, atletikanın çəkicatma növündə Anna Skidan, üzgüçü Maksim Şemberev, güllə atıcısı Ruslan Lunyov, güləşçilər Mariya Stadnik (50 kq) və Şərif Şərifov (97 kq) da bu hüquqa yiyələnib. Həmçinin şosse velosipedində də idmançımıza iştirak hüququ verilib. 

 

Tokio Olimpiadası 2020-ci ilin iyulun 24-dən avqustun 9-dək keçiriləcək (apasport.az) 
 

CBCsport
07 Avqust 2020
06 Avqust 2020
B.eÇ.aÇC.aCŞB