TOP 10

Hapal 1:0-da bəxtlərinin gətirdiyini etiraf etdi: "Fasilədən sonra Azərbaycan millisində canlanma oldu, buraxdığımız səhv bizə xal bahasına başa gələ bilərdi”

Futbol
Tarix: 2019-11-20 02:28

Slovakiya yığmasının baş məşqçisi Pavel Hapal AVRO-2020-nin seçmə qrup mərhələsi çərçivəsində Azərbaycan üzərində 2:0 hesablı qələbədən sonra mətbuat konfransı keçirib. Sport24.az-ın Slovakiyaya ezam olunmuş əməkdaşının verdiyi məlumata görə, mütəxəssis oyun haqda bunları deyib: “Oyuna yaxşı başladıq. Bir neçə əla şanslarımız oldu. Azərbaycan müdafiədə kompakt, yaxşı təsir bağışladı. Fasilədən sonra komandam həvəsdən düşdü. Bəlkə də bu, Uelsdəki nəticədən xəbər tutmalarından irəli gəldi. Qonaqların hesabı bərabərləşdirmək üçün əla şansı oldu. Fərqlənməyə çox yaxın idilər. Bəxtimiz gətirdi ki, qapıçımız əla reaksiya göstərdi. Ardınca isə 2-ci qolu vurmaqla cütlüyün taleyini həll etdik”.

 

Mütəxəssis millimizin 2-ci hissədəki şansına dair suala belə cavab verdi: “İlk yarıda Azərbaycan elə də uğurlu deyildi. Lakin fasilədən sonra rəqibin sıralarında canlanm oldu, buraxdığımız səhv isə bizə xal bahasına başa gələ bilərdi”.

 

 

 

CEYHUN ƏLİYEV, Trnava

 

Qeyd edək ki, qələbə qazanmasına rəğmən, Slovakiya qrupda 3-cü yer tutdu və AVRO-2020-yə bu turnir vasitəsi ilə vəsiqə qazana bilmədi.

CBCsport
08 Dekabr 2019
07 Dekabr 2019
B.eÇ.aÇC.aCŞB