TOP 10

Bundesliqa klubunda yeni baş məşqçi

Dünya Futbolu
Tarix: 2019-11-18 19:32

Almaniyanın “Maynts” klubunun yeni baş məşqçisi müəyyənləşib. Sport24.az xəbər verir ki, Bundesliqa təmsilçisini bundan sonra Axim Beyerlorzer çalışdıracaq.


Bu barədə klubun rəsmi saytı məlumat yayıb. 51 yaşlı mütəxəssis yeni klubu ilə 2022-ci ilin yayına qədər müqavilə imzalayıb.


Qeyd edək ki, Beyerlorzer bu mövsümün əvvəlində Bundesliqanın digər təmsilçisi “Köln”ə baş məşqçi təyin olunsa da, 9 gün əvvəl istefaya göndərilmişdi. “Maynts” da ötən həftə Sandro Şvartsla ilə yollarını ayırmışdı.


Bu mövsüm 11 oyuna 3 qələbəsi və 8 məğlubiyyəti olan “Maynts” 9 xalla 18 kollektiv arasında 16-cı pillədə qərarlaşıb.

06 Dekabr 2019
B.eÇ.aÇC.aCŞB