TOP 10

Yurçeviç tsikldəki nəticədən razı deyil, millidə fəaliyyətini davam etdirmək istəyir: "Daha çox xal toplamaq üçün bizə 2-3 xüsusi keyfiyyətli futbolçu çatmırdı"

Futbol
Tarix: 2019-11-16 23:54

Azərbaycan millisinin baş məşqçisi Nikola Yurçeviç AVRO-2020-nin seçmə mərhələsində Uels yığmasına evdə 0:2 hesabıyla uduzduqları görüşdən sonra mətbuat konfransı keçirib. Sport24.az xəbər verir ki, xorvatiyalı mütəxəssis ilk olaraq oyun haqda danışıb. 

 

- İlk öncə rəqibi tərbik edirəm. Layiqli qələbə qazandı. Uels yığması daha yaxşı komanda idi. Yenə standart vəziyyətdən qol buraxdıq. Bunun bizim üçün təhlükəli olacağı bilirdik, ancaq bu dəfə də işimizin öhdəsindən gələ bilmədik. Bizdə matçlarda adətən bu qədər künc zərbələri olmur. Ancaq 10-12 belə vəziyyət oldu ki, heç birindən yararlana bilmədik. Son ötürmənin olmaması üzündən hücumlarımız çox da kəsərli olmurdu. Əmin deyiləm, ancaq köməkçilərimin və komandanın texniki heyətinin dediyinə görə, ilk hissədəki epizodda penalti var idi. Rəqib futbolçu açıq əllə oynamışdı. Penalti olsaydı, bəlkə oyunun gedişatı fərqli olardı. Rəqib daha təcrübəli, keyfiyyətli komandadı. Bizdə isə əsas heyət üzvlərindən 3 nəfər yox idi. Onlar olsaydı, yəqin oyunumuz daha yaxşı ola bilərdi. Ancaq bunlar alınmadı.

 

- Cəmi 1 xalımız var. Son matçımız səfərdə Slovakiyayladı. Sizcə, hazırkı nəticə Azərbaycan futbolunun potensialına uyğundurmu?

- Bütün rəqiblərimzi keyfiyyət baxımldan bizdən yaxşı idi. Ancaq bu, o demək deyil ki, biz yaxşı komanda deyilik. Sadəcə, digər yığmalar daha yaxşı idi. Başqa matçlarda xallar toplaya bilərdik. Məsələn, Macarıstanda 1 xal əlimizdən alındı. Daha çox xal yığmağımız mümkün idi. Rəqibin futbolçuları daha yüksək səviyyəli çempionatlarda çıxış edir. Həlledici səhvlərimiz üzündən çox xal itkisinə yol verdik. Sözsüz ki, nəticə baxımından durum yaxşı deyil. Ancaq Slovakiyayala matçda da nəticə üçün vuruşacağıq. Hesab edirəm ki, gənc futbolçularımızın təcrübəsinin artması sarıdan bu tsikl faydalı oldu.

 

- AFFA rəhbərliyi matçdan sonra komandayla görüşdümü? Görüşdüsə, nə söhbət oldu?

- Matmdan sonra AFFA rəsmilərindən hələ heç kimlə görüşməmişik. 

 

- Rəqiblərin güclü olması onsuz da hamıya bəllidi. Əcnəbi baş məşqçi də buna görə dəvət olunur. Ümumi analiz edərək Slovakiyayla matçdan sonra millimizdə fəaliyyətinizi davam etdirmək istəyi ilə bağlı rəhbərliyə müraciət edəcəksiniz, yoxsa...?

- 1 xaldan məndən də razı deyiləm. 5-10 il üçün potensiallı futbolçuları cəlb etməyə çalışdıq. Nəticə üçün 2-3 xüsusi keyfiyyətli futbolçu çatmırdı. Mənim durumum baxımından hər hansı bir şey demək üçün uyğun vaxt deyil. AFFA-yla müqaviləm fevraladəkdi. Seçmə tsikl bitəndən sonra müzakirə üçün uzun vaxtımız olacaq. Özüm də, ailəm də Bakını, Azərbaycanı sevirik. Futbolçuların bu vaxtadək davranışından da razıyam. Bundan sonra daha yaxşı olmaq şansımız var. Millətlər Liqasında və növbəti seçmə mərhələdə daha yaxşı nəticələr qazanmaq mümkündü. Qalanının necə olacağını zaman göstərəcək. 

 

 

 

MEHMAN SÜLEYMANOV

CBCsport
15 Dekabr 2019
14 Dekabr 2019
B.eÇ.aÇC.aCŞB