TOP 10

Bakıya 1200 uelsli azarkeş gəlib

Futbol
Tarix: 2019-11-15 15:28

Bu gün AFFA-nın inzibati binasında baş katib Elxan Məmmədov Böyük Britaniya Krallığının Azərbaycan Respublikasındakı fövqəladə və səlahiyyətli səfiri Ceyms Şarpla görüşüb. Sport24.az xəbər verir ki, görüşdən məmnunluğunu ifadə edən tərəflər AFFA ilə İngiltərə Futbol Assosiasiyası arasında mövcud olan əməkdaşlığın daha da genişləndirilməsi barədə fikir mübadiləsi aparıb. 


Qeyd olunub ki, Avropa çempionatının 60 illiyinə həsr olunmuş AÇ-2020-nin təşkil olunacağı şəhərlərlə bağlı Böyük Britaniya ilə Azərbaycan arasında da kəsişmə nöqtələri var. Bakı Olimpiya Stadionunda AÇ-nin A qrupunun 3 və 1/4 final mərhələsinin 1 oyunu, İngiltərənin paytaxtı Londonda D qrupunun 3, 1/8 final mərhələsinin 1 matçı, hər iki yarımfinal qarşılaşması və final görüşü, Şotlandiyanın Qlazqo şəhərində isə D qrupunun 3 oyunu və 1/8 final mərhələsinin 1 qarşılaşması təşkil olunacaq. Oyunlara hazırlıq prosesinin müzakirə olunduğu görüşdə azarkeşlərin qeyd edilən AÇ-2020 qarşılaşmalarında rahat iştirakının təmin olunmasının vacibliyi vurğulanıb.


AÇ-2020-nin seçmə mərhələsi çərçivəsində sabah “Bakcell Arena”da keçiriləcək Azərbaycan – Uels oyununun da britaniyalı azarkeşlərin diqqət mərkəzində olduğu və bu qarşılaşmanı izləmək üçün Bakıya 1200 uelsli azarkeşin gəldiyi bildirilib.

CBCsport
16 Dekabr 2019
15 Dekabr 2019
14 Dekabr 2019
B.eÇ.aÇC.aCŞB