TOP 10

Qara Qarayev millimizin əsas problemini göstərdi, kapitanlıqla bağlı arzusunu ifadə etdi: "Hakim bu qədər asanlıqla "səhv" deyərək xalımızı əlimizdən alır"

Futbol
Tarix: 2019-10-14 00:06

"Evə bu rəqibə uduzduğumuzdan səfərdə daha ehtiyatlı oynamaq istəyirdik. Son vaxtlar qol buraxsaq belə, sona qədər mübarizə apara, fərqlənə bilirik. Bu gün də həmin matçardan biri idi". Bu fikirləri Sport24.azın Budapeştə ezam olunmuş əməkdaşına Azərbaycan millisinin futbolçusu Qara Qarayev Macarıstan yığmasına 0:1 hesabı ilə uduzduqları AVRO-2020-nin seçmə qrup matçını şərh edərkən söyləyib.

 

Budapeştdəki matça kapitan sarğısını daşıyan 27 yaşlı yarımmüdafiəçinin sözlərinə görə, komanda olaraq daha yaxşı müdafiə olunublar: "Düzdür, öndə müəyyən çatışmazlıqlarımız vardı. Bu gün uğur qazanmağa yaxın olsaq da, heç nə əldə edə bilmədik".

 

- Baş hakimin Bəhlul Mustafazadənin təmiz qolunu qeydə almaması barədə nə deyə bilərsən?
- Hakimlər haqda çox danışmaq istəmirəm. Ancaq mənə bir şey maraqlıdır - referi qolu qeydə alandan sonra fikrini dəyişirsə, bunu bir sübutu olmalıdır. Fikrimcə, burada bir qədər Macarıstana qarşı rəğbət vardı. Təmiz qol idi. Referi oyundan sonra təəssüfləndiyini, qərarının səhv olduğunu dedi. Buna bu qədər asanlıqla "səhv" deyərək xalımızı əlimizdən alır. 

 

- Sanki görüşün əvvəlində komandada özünəinam az, sürət aşağı idi. Bu nədən qaynaqlanırdı?
- Bu normal haldır. Bizim hazırlıqsız və ya hansısa problemimizin olması demək deyil. Rəqibin belə başlayacağı bəlli idi. Bəhreynlə yoldaşıq qarşılaşmasında da bu cür idi. Rəqib evdə oyanyırsa, ilk dəqiqələrdən əlindəki imkanları ortaya qoymaq istəyir. Oyunlarımızıda ilk 10-15 dəqiqə daha gərgin keçir. Bunu ötüşdürürüksə, daha yaxşı nəticə qazana bilirik. Təəssüf ki, bu gün alınmadı. Ondan sonra rəqibə 100 faizlik qol şansı vermədik. 

 

- Oktyabrın 12-də 27 yaşın tamam oldu, təbrik edirik. Bu gün isə ilk dəfə olaraq millini meydana kapitan kimi çıxardın. Bu necə hiss idi?
- Təbrikə görə təşəkkür edirəm. Milli komandanın kapitan sarğısını daşımaq qürurvericidir. Allah bu sarğını karyeramın sonuna qədər layiqli şəkildə daşımağı nəsib etsin. 

 

- Bu gün hakim səhvini nəzərə almasaq, xal qazana bilməməyimizin əsas səbəbi nədir?
- Əsas problem ön xətdə çoxluq yarada bilməməyimiz idi. Hücumda çoxala bilsək, daha yaxşı olardı. İlk yarıda top daha çox rəqibdə oldu. Ona görə də məcburən müdafiəyə çəkildik. Əks-hücum tutanda da 2-3 oyunçumuz olurdu. Bəzi epizodlarda biz də yaxşı çıxış etdik. Qol da vura bilərdik. Rəqibin də 100 faizlik şanları olmadı.
 

 

 

CEYHUN ƏLİYEV, Budapeşt

19 Noyabr 2019
18 Noyabr 2019
B.eÇ.aÇC.aCŞB