TOP 10

Rəcəbov Dünya Kubokunun finalında: İddiaçılar Turniri və 80 min dollar cibində!

Şahmat
Tarix: 2019-09-27 18:00

Azərbaycanlı qrossmeyster Teymur Rəcəbov Rusiyanın Xantı-Mansiysk şəhərində keçirilən Dünya Kubokunun finalındadı! Sport24.az xəbər verir ki, həmyerlimiz yarımfinalda fransalı Maksim Vaşye-Laqravı sıradan çıxarıb.

 

İlk partiyanı dünən qaralarla keçirən və heç-heçəyə razılaşan Rəcəbov, bugünkü görüşün 45-ci gedişində fransalını kapitulyasiya imzalamağa məcbur edib. Bununla da reqlamentə əsasən, Rəcəbov finaldakı matçın nəticəsindən asılı olmayaraq, İddiaçıların Turnirinə vəsiqə qazanıb.

 

Teymurun finaldakı rəqibi hələ məlum deyil. Çünki digər yarımfinalda üz-üzə gələn çinli şahmatçılar - Yu Yanq Li ilə Dinq Lijen arasındakı hər iki partiya heç-heçə nəticələnib. Sabah onlar finalçını müəyyən etmək üçün tay-brekdə qarşılaşacaqlar.

 

Rəcəbovun finala yüksəlməsi, ən azı 80 min dollar qazanmasını təmin edib. O, Dünya Kubokunun qalibi adını qazanarsa, 110 min dollara sahib olacaq.

CBCsport
24 Fevral 2020
B.eÇ.aÇC.aCŞB