TOP 10
BİZİM MƏTBƏX

"Qusik" Zaur Ramazanovdan çox qol vurmağa çalışacaq: "Çempion olmasaq, Abdullayev bizi cərimələyəcək"

Futbol
Tarix: 2019-09-26 19:19

"40+ Liqa"sı sürət yığmağa başlayıb. Artıq 2 tur arxada qalıb və "Veteranlar" 6 xalla vahid liderdi. Futbol Veteranları İttifaqının sədri Oqtay Abdullayevin yaratdığı  komanda əsasən Azərbaycan çempionlarından ibarətdi. "Veteranlar"ın qapısını isə Azərbaycanın ən titullu qolkiperi Hüseyn Məhəmmədov qoruyur. Həmin Məhəmmədov ki, hər 2 oyunda meydanı qolsuz tərk etməyib. "Qusik" ləqəbli veteran qapıçı Sport24.az-ın suallarını cavablandırıb. 

 

- Əvvəlcə turniri dəyərləndirməni istərdik. Yarış necə gedir?

- Maraqlı turnirdi. Yaş həddi hər kəsdə o dərəcədə fəqli deyil. Yaşı 40 və yuxarı olanlar çıxış edir. Turnirin gözəlliyi də bundadır ki, yaş məhduyyəti var. Cavan olsan, bəlkə başqa formada, istək fərqli olardı. Ancaq bu yaş limiti daha yaxşıdı ki, turnirin gedişatına əlavə rəng qatır. Həs kəs öz yaşına görə formadadı, ona görə güc də eynidi. Düzdür, futbolçular, jurnalistlər, həvəskarlar fərqlənə bilər. Bizim fərqimiz futbolçu təcrübəmizin olmasındadı. 

 

- Belə tendensiya müşahidə edirik ki, veteranlar ilk hissəni əməlli-başlı döyüşlə keçirirlər. Bu, rəqibə qarşı bir hörmətdi, yoxsa yeni taktikadı?

- Yox, belə demək olmaz. Sadəcə, oyunun gedişatı var. Maşını necə isidirsən, bu, olanadək bir az vaxta ehtiyac yaranır. Həm də bu ölçülü meydança bizə doğma deyil, yabançıdı. Bu amil də böyük rol oynayır. Özümüzü toparlayanadək hesabda geri düşürük, sonradan özümüzə gəlirik. 

 

 - Artıq bütün komandaları iş başında görmüsən. Özünüzə əsas rəqib kimi görürsən?

- Futzalçılardan ibarət komanda var, köhnə futbolçulardı. Yəqin ki, onlarla çətin olacaq.

 

- Elə növbəti turda bu komandayla görüşəcəksiniz, bütün diqqət sizin qarşılaşmaya yönələcək...

- Onlar üçün bu futbol yad deyil, bizim üçünsə yaddı. Hər halda, biz də mübarizə aparacağıq.

 

- Necə fikirləşirsən, çempion olmasanız, Oqtay Abdullayev sizi cərimələyəcək?

- Belə başa düşürəm ki, çempion olmasaq, əlbəttə, cərimələyəcək. Çünki bizim üçün böyük məbləğdə mükafat var. Biz veteranlar çalışacağıq ki, bunu əldə edək.

 

- Artıq 2 qol vurmusan. Bombardir olmaq fikrin yoxdu?

- Çalışacam ki, bir az da buna üstünlük verim, komanda yoldaşım olan bombardir hücumçu Zaur Ramazanovdan çox qol vurum.

 

MEHMAN SÜLEYMANOV

CBCsport
08 Dekabr 2019
07 Dekabr 2019
‹›
B.eÇ.aÇC.aCŞB