TOP 10
BİZİM MƏTBƏX

Qurban Qurbanov keçirdiyi narahatçılıqdan, Mahir Emrelinin böyüməsindən danışdı: "Bilmək olmaz, son saniyələrdə buraxdığımız qol bəlkə xeyrimizə olacaq"

Futbol
Tarix: 2019-08-12 18:26

"Qarabağ"ın baş məşqçisi Qurban Qurbanov Çempionlar Liqasının III təsnifat mərhələsində Kiprin APOEL klubuyla cavab oyunu öncəsi mətbuat konfransı keçirib. Sport24.az xəbər verir ki, "Azərsun Arena"da jurnalistlər qarşısına çıxan təcrübəli mütəxəssis əvvəlcə sabahkı matç haqda fikirlərini açıqlayıb.

 

- Həqiqətən vacib oyuna çıxırıq. Rəqiblə bağlı diqqətli olmalıyıq. Bildiyiniz kimi, APOEL-in baş məqçisi dəyişilib. Ona görə meydanda bacardıqca çox düşünərək oynamalıyıq. Futbolçularımıza lazımı qədər məlumat vermişik. Sabah yaxşı oyunla, yaxşı nəticəylə sizləri sevindirməliyik.

 

- Kipr mətbuatda yazılana əsasən rəqibdəki baş məşqçi dəyişikliyi ilə bağlı çox narahatsınız. Bu, elədirmi?

- Narahatçılıq mütləq var. Xüsusilə rəqibdə baş məşqçi dəyişəndə, məndə narahatçılıq yaranır. Çünki ilk oyuna fərqli hazırlaşmışdıq. Amma indi tam fərqli hazırlıq olacaq. Baxmayaraq, ki, rəqibin futbolçiları eynidi. Bu, ilk dəfə deyil. Əvvəllər də belə hallar olub. Dəyişikliyin işimizə faydası olacaq. Çünki meydanda çox düşünməli, diqqətli  olmalıyıq. Narahatçılıq yox, bizim üçün hər hansı problem ola bilər. 

 

- Riçard Almeydanın Kiprkdəki matçda cərimə zərbəsi zamanı yerdə uzanması maraqla qarşılandı...

- (gülür) Futbolda belə halların şahid olmuşuq. Xüsusilə cərimə zərbəsi vurularkən yaxın məsafə olanda bundan istifadə edirlər. Buna normal baxıram. Hər bir futbolçumuz qol buraxamaq üçün hər cür köməyi etməlidi. Gələcəkdə də belə halların şahidi ola bilrəsiniz.

 

- Sizcə, rəqib yeni baş məşqçisi bu mərhələni keçmək üçün gətirib, yoxsa gələcəyi düşünərək?

- Bəlkə fərqli-fərqli fikirlər söyləməyimiz düzgün çıxmaz. Baş məşqçinin məsuliyyəti hər oyunda var. Uğurlu nəticələri olsa belə. Nəticəni əsasən baş məşqçidən soşurular. Böyük məsuliyyət məndə də var. Çünki oyunun gedişində hər an diqqətli olmalıyıq. Yeni baş məşqçi qalib gəlmək üçün taktiki gedişlərinə, hansı oyun sisteminə əl atmasına xüsusi fikir verməliyik. İnanmıram ki, APOEL-in yeni baş məşqçisindən mütləq bu oyunu udmalısan deyə tələb olunur. Yəqin ki, gələcəyi düşünürlər. 

 

- Komandanın fiziki durumu, zədəlilər nə yerdədir?

- İnşallah, yaxşılığa doğru gedir. Yalnız Bədavi Hüseynov hələ də komandaya qoşulmayıb. Belə oyunlarda futbolçu sayının çox olması vacibdir. Digərlərinin durumu əvvəlki dövrlərdən daha yaxşıdı. 

 

- Necə düşünürsünüz, APOEL-lə oyununda hansı dəyişiklər olacaq?

- Oyun sistemində dəyişiklik ola bilər. Bilmirdim ki, bunadək nələr olub. Bu, özlərinə aid şeydi. Komandada dəyişiklik olanda, futbolçular daha aqressiv olurlar. Baş məşqçiyə özlərini göstərmək istəyirlər. Ancaq iş öz üzərimizə düşür. Həddən artıq çox düşünməliyik.

 

- Son saniyələrdə vurulan qol sabahkı oyunla bağlı planlarınızı dəyişdimi?

- Təcrübə göstərir ki, 2:1, 2:0, 3:0 heç bir komandanı arxayınalşdırmır. Bəzən buraxılan qol ziyanına olur, bəzən də xeyrinə. Bilmək olmaz, bəlkə buraxdığımz qol xeyrimizə olacaq, futbolçular daha ciddi olacaq. Həmin qol bir daha göstərdi ki, matç final fitinədək oynanılır. 

 

- Əsas heyətdə dəyişiklik gözlənilir? Elə bir mövqe var ki, hələ də tərəddüd içərisindəsiniz?

- Sabah səhər də məşqimiz olacaq və bundan sonra əsas heyətlə bağlı yekun qərar verəcəyik.

 

- Səfər matçında qol vuran yeni hücumçunuz Maqaye Qeyenin sabah ilk dəqiqələrdən meydanda görə bilərik?

- Düşünürəm ki, yox. Çnüki formaısndan hələ uzaqdı, fiziki durumu tam yerində deyil. Ancaq durumu yaxşılığa doğru gedir. Sonradan meydana çxımaq ehtimalı böyükdür.

 

- Mahir Kiprdə qol vurdu və son vaxtlar da haqqında transfer xəbərləri artır. Onunla bunlarla bağlı söhbətləşmisiniz?

- Daim futbolçularla fərdi söhbət edirik. Biri 2 ildən sonra böyüyür, biri 5 ildən sonra. Hər futbolçuyla yaxşı oyundan sonra fərdi söhbətimiz olur ki, uğurlu çıxışını davam etsin. Futbolçu fikrini buna yönəltməlidi. Mahir get-gedə böyüməyə başlayır, daha təcrübəli olmalıdı. Bunu hiss edirik. Hər bir halda insan nəfsi fərqlidi. İnşallah, inanıram ki, Mahir yaxşı tərəfdən fikirləşərək sabahkı oyunda çıxışı yaxşı olmalıdı. 

 

 

 

MEHMAN SÜLEYMANOV

CBCsport
07 Dekabr 2019
06 Dekabr 2019
‹›
B.eÇ.aÇC.aCŞB