TOP 10

Prezidentdən azərbaycanlı idmançılara pul mükafatı

Digər
Tarix: 2019-07-20 16:00

Ölkə prezidenti İlham Əliyev İtaliyanın Neapol şəhərində keçirilən Tələbələrin Ümumdünya Yay Universiadasında ən yüksək nəticələrə görə Azərbaycan idmançıları və onların məşqçilərinin mükafatlandırılması haqqında sərəncam imzalayıb. Sport24.az xəbər verir ki, sərəncama əsasən, Tələbələrin Ümumdünya Yay Universiadasında birinci yeri tutan hər bir idmançıya 50 min manat, onun şəxsi məşqçisinə 25 min manat, ikinci yeri tutan hər bir idmançıya 30 min manat, onun şəxsi məşqçisinə 15 min manat, üçüncü yeri tutan hər bir idmançıya 20 min manat, onun şəxsi məşqçisinə isə 10 min manat məbləğində mükafat müəyyən edilib.

Bundan başqa, komandanın baş məşqçisinə ən yüksək nəticə göstərmiş bir idmançıya görə şəxsi məşqçinin aldığı məbləğ qədər (bir dəfə) mükafat veriləcək. (Azərtac)


Xatırladaq ki, Universiadada Azərbaycan milli komandası 2 qızıl, 3 gümüş və 2 bürünc medal qazanaraq komanda hesabında 18-ci yerdə qərarlaşıb.

16 Oktyabr 2019
B.eÇ.aÇC.aCŞB