TOP 10

"Sperantsa"nın baş məşqçisi: "Bu amili "Neftçi"yə qarşı təxribat kimi qələmə verməyin"

Futbol
Tarix: 2019-07-17 21:29

"Bakıya futbol oynamağa gəlmişik. Əsas odu ki, özümüzə inanaq. Çalışacağıq ki, sabah hər şey yaxşı olsun". Sport24.az xəbər verir ki, bunu Avropa Liqasının I təsnifat mərhələsində "Neftçi" ilə keçiriləcək cavab oyunu öncəsi "Sperantsa"nın baş məşqçisi Kristof Efros deyib.

 

27 yaşlı moldovalı mütəxəssis matçın keçiriləcəyi "Bakcell Arena"da bu gün təşkil edilən mətbuat konfransında əsasən ilk oyuna toxunub: "Məncə, Moldovada nəticə 0:0 olmalı idi. Hətta bəzi anlarda bizim hücumlar daha kəsərli idi. Həmin görüşdən sonra bəzi fikirlər səsləndirmişdim. Videoyazıya baxdıqdan sonra da haqlı olduğumu gördüm. Yəni fikrimi dəyişməmişəm. Ola bilsin ki, bir qədər emosiyalarıma qapılmışam. Siz də yerimizdə olsaydınız, 0:3 hesablı məğlubiyyətə layiq olmadığınızı görərdiniz".

 

Efros paytaxtımızın onda müsbət təəssürat oyatdığını söyləyib: "Bakı çox gözəl şəhərdi. Ümumiyyətlə, Azərbaycan gözəl ölkədi. Heç bir narazılığımız yoxdu. Hər ürəyimizcədi. Bakı ilə bağlı yalnız pozitiv düşüncədəyik. Eyni zamanda oyunun keçiriləcəyi stadionla bağlı da bir iradımız yoxdu".

 

Gənc çalışdırıcı Moldovadakı qarşılaşmadan öncə meydanın sulanmamasına da aydınlıq gətirib. O, bunu öz oyunları ilə əlaqələndirib: "Biz axmaq deyilik ki, meydançanı sulayaq. Bunu "Neftçi"yə qarşı yox, özümüz üçün etmişdik. Sulanmış meydandan oynamağa öyrəşməmişik. Bu amili "Neftçi"yə qarşı təxribat kimi qələmə verməyin. Burda isə hər şey "Neftçi"dən asılıdı. Onlara lazım olsa, meydançanı sulaya bilərlər. İstənilən şəraitdə oynamağa hazırıq".

05 Dekabr 2019
04 Dekabr 2019
B.eÇ.aÇC.aCŞB