TOP 10

“Neftçi” yeni transferini rəsmən açıqladı

Futbol
Tarix: 2019-06-10 18:17

“Neftçi” klubu növbəti futbolçu transferini gerçəkləşdirib. Sport24.az klubun rəsmi saytına istinadən xəbər verir ki, flaqman Rauf Əliyevlə 1 illik müqavilə bağlayıb. 


30 yaşlı hücumçu yeni komandasının heyətində 19 nömrəli formanı geyinəcək.


Bunadək “Qarabağ” (2006-2013), “Bakı” (2013-2014), “Xəzər Lənkəran” (2014), “İnter” (2015-2017), “Kukesi” (Albaniya, 2017-2018), “Qəbələ” (2018-2019) klublarında çıxış etmiş Rauf Əliyev 2015-ci ildə “Neftçi”nin heyətində 11 oyunda meydana çıxıb. 2009-cu və 2019-cu illərdə Azərbaycan Kubokunun qalibi olub. Milli komandanın heyətində 45 oyun keçirib, 7 qol vurub.


Xatırladaq ki, “Neftçi” bundan əvvəl “Qəbələ”dən ayrılan digər futbolçu - serbiyalı müdafiəçi Voyislav Stankoviçlə 2 il müddətinə müqavilə bağlamışdı.

22 Avqust 2019
21 Avqust 2019
B.eÇ.aÇC.aCŞB