TOP 10

Cavid Hüseynov "Sabah" və digər klublardan təkliflərinin olduğunu açıqladı: "Tale Heydərova borcumu qaytara bilmərəm"

Futbol
Tarix: 2019-05-19 21:38

Qəbələ"nin kapitanı Cavid Hüseynov Azərbaycan Kubokunu qazandıqları final matçından sonra Sport24.az-ın Naxçıvana ezam olunmuş əməkdaşına müsahibə verib. 

 

- Uzun illərdən sonra nəhayət ki, komandanız arzusuna çatdı. Bu tarixi qələbəni necə şərh edərdin?
- Uzun həsrətdən sonra şükürlər olsun ki, bu gün kubok qazandıq. Buna qədər bir neçə dəfə finalda iştirak etsək də, qazana bilmirdik. Bu günə qismət imiş. Bu gün az da olsa "Qəbələ" klubuna nəsə qazandıra bildik.

 

- Səni uzun fasilədən sonra çox istəkli gördük, sanki bu gün meydanda "Qəbələ"yə borcunuzu qaytarmaq istəyirdin...

- Düzdür, borcum var idi və bu gün bu borcu qaytarmaq üçün bundan gözəl şans ola bilməzdi. Allaha şükürlər olsun ki, bu gün kubok qazandıq. Tale Heydərov kimi insanın və prezidentin etdiklərinin qarşısında bu kubok çox kiçik birş eydir. Onun mənə etdiklərinə baxanda onun borcunu qaytara bilmərəm. Əgər bu kubokun qazanılmasında rolum varsa nə xoş mənə. 

 

- Belə söz-söhbətlər gəzir ki, mövsümün sonunda müqavilən bitir və klubdan ayrılacaqsan. Nə deyə bilərdin bu haqda?
- Doğrudur, müqaviləm bitir. Ola bilər ki, ayrılım ola bilər komandada qalım. Əvvəlcə klub rəhbərliyi ilə görüşüb danışacağam. Ona görə də bu barədə indidən nəsə deyə bilmərəm.

 

- "Qəbələ" klubunda növbəti mövsüm üçün büdcə kəskin şəkildə azaldılacaq və gəncləçdirmə siyasəti aparılacaq. Ancaq Zaur Həşimov mətbuat konfransında qeyd etdi ki, bu kubok artıq yeni səhifənin açılmasına təkan verə bilər. Belə olsa, klubda qalmaq üçün danışıq aparacaqsan?
- Bəzi şeylər var ki, öz prinsiplərim var onun üzərində olacaq. Bu madiyyatla bağlı məsələlər deyil. Rəhbərliklə danışıq aparacağam və qərar verəcəyəm.

 

- "Sabah"a keçəcəyin bildirilir...
- "Sabah" və bir neçə başqa klub var ki, məni transfer etmək istəyir. Görüşmüşük, danışığımız olub və mən demişəm ki, mənə vaxt verin kuboku qazanım, rəhbərliklə danışım və sizə dəqiq söz deyim.

 

- Qeyd etdin ki, klubun sabiq prezidenti Tale Heydərova borcunuz va. Bu kuboku ona həsr edirsiniz?
- Bu, 100 faiz belədir. Çempionatın sonuna 5 tur qalmış onun klubu tərk etməsi bizə, komandaya pis təsir etdi. Gözümüzü açandan onu prezident kimi görmüşdük, onun da prezident kimi davam etməsini istəyirdik. Amma əlbəttə ki, biz onun işinə qarışa bilmərik. Bunun hansı səbəbdən baş verdiyini də bilmirik. Bizim üçün onun gedişi gözlənilməz oldu.
 

 

 

CEYHUN ƏLİYEV, Naxçıvan

19 Avqust 2019
B.eÇ.aÇC.aCŞB