TOP 10

Bundesliqa klubunda yeni baş məşqçi

Futbol
Tarix: 2019-05-14 11:30

Almaniyanın “Herta” klubu növbəti mövsüm üçün baş məşqçi seçimini edib. Sport24.az xəbər verir ki, Bundesliqa təmsilçisini 2019/2020 mövsümündən etibarən Ante Çoviç çalışdıracaq. Bu barədə klubun rəsmi saytı məlumat yayıb. O, iyulun 1-dən etibarən işinə başlayacaq.


Çoviç hazırda “Herta”nın U-23 komandasını çalışdırır. Klub rəhbərliyi komandanın gənc futbolçularını hamıdan daha yaxşı tanımasını əsas gətirərək, məhz Berlində anadan olmuş xorvatiyalı mütəxəssisi baş məşqçi postuna gətirib. Futbolçu karyerası dövründə “Hayduk” (Split), “Ştutqart” və “Nürnberq”lə yanaşı, 1996-2000-ci illər aralığında “Herta”da da forma geyinən Çoviç, 2011/12 mövsümündən paytaxt təmsilçisində məşqçiliyə başlayıb. 2012/13 mövsümündən etibarən isə o, bu komandanın U-23 kollektivini çalışdırırdı.


“Herta”ya hazırda macarıstanlı Pal Dardai rəhbərlik edir. Amma klub rəhbərliyi bir ay öncə mövsümün sonunda onunla yolların ayrılacağını açıqlayıb. Berlin klubu onun rəhbərliyi altında mövsümün sonuna bir tur qalmış 43 xalla 18 kollektiv arasında 10-cu pillədə qərarlaşıb.

26 May 2019
25 May 2019
B.eÇ.aÇC.aCŞB