TOP 10

Millimizin baş məşqçisi: “Məşqdəki performansı oyunda görə bilmədik”

Futzal
Tarix: 2019-02-19 23:00

Bu gün 19 yaşadək futzalçılardan ibarət Azərbaycan və Tükiyə yığmaları arasında keçirilmiş yoldaşlıq oyunundan sonra hər iki komandanın baş məşqçisi fikirlərini bölüşüb. Sport24.az sizi həmin fikirlərlə tanış edir:


Ağatahir Əzimov (Azərbaycan yığma komandasının baş məşqçisi): “Uşaqlar ilk dəqiqədən sona qədər həyəcanlı idilər. Doğma məkanda oynadıq, amma öz futzalçılarımız toparlana bilmədilər. Məşqdə göstərdikləri performansı oyunda görə bilmədik. Öyrətdiyim şeyləri yerinə yetirə bilmədilər, yaddan çıxartmışdılar. Bunun hamısı həyəcanla bağlıdır. Düzdü, birinci hissədə nisbətən yaxşı oynadıq. Rəqibin də imkanları az deyildi. Fasiləyə üstün yollanmağımız sanki oyunçularımızı arxayınlaşdırdı. Fikirləşdilər ki, artıq qələbə qazanmışıq. Kənardan deyirsən, müdaxilə edirsən, eşitmirlər. Qolların hamısını standart vəziyyətdən vurduq. İkinci oyunda səhvlərimizi təkrarlamamalıyıq. Rəsmi oyunlarda bizim üçün çox çətin olacaq”.


Murad Kaya (Türkiyə yığma komandasının baş məşqçisi): “Birinci hissədə pis oynadıq. Fasilədə uşaqlara səhvlərini və düzgün oynamalı olduqlarını dedim. Bildiyiniz kimi, bu oyunlar mart ayında keçiriləcək Avropa çempionatının rəsmi oyunlarına hazırlıq xarakteri daşıyır. Yeni formalaşmış komandayıq. Çətin qrupda yer almışıq. Rəqiblərimiz İspaniya, Macarıstan və Gürcüstan milliləri olacaq. Düşündük ki, son yoldaşlıq oyunlarımızı qardaş Azərbaycan yığma komandasına qarşı keçirək. Qələbə qazandığımıza görə xoşbəxtik. Gələn ay keçiriləcək rəsmi oyunlarda həm Türkiyə, həm də Azərbaycan yığma komandasına uğurlar arzulayıram”.

06 Dekabr 2019
05 Dekabr 2019
B.eÇ.aÇC.aCŞB