TOP 10

Ayxan Abbasov qapıçısını qolda günahlandırmır: "Fərq etmir, kimə uduzursan, hər bir məğlubiyyət xoşagəlməzdi"

Futbol
Tarix: 2019-02-09 20:58

Azərbaycan Premyer Liqasının XVI turu çərçivəsində evdə “Qarabağ”a 0:2 hesabı ilə məğlub olan “Sumqayıt”ın baş məşqçisi Ayxan Abbasov mətbuat konfransı keçirib. Sport24.az xəbər verir ki, gənc mütəxəssis əvvəlcə oyun haqda fikirlərini bölüşüb.

 

- “Qarabağ” oyuna çox istəkli başladı. Biz də yaxşı hazırlaşmışdıq. Bəlkə də istək çox olduğundan ilk 15-20 dəqiqədə istədiyimiz oyunu sərgiləyə bilmədik. Fasilədən sonra dəyişikliklər etdik, məncə, yaxşı oynadıq. Əlbəttə, qış fasiləsindən sonra keçirdiyimiz hər 2 oyunda məğlub olmağımız məni üzür. Lakin qarşıda xeyli matç var və düşünürəm ki, vəziyyətdən çıxa biləcəyik.

 

- Bir sıra aparıcı oyunçunuz start heyətində yox idi...

-  Əfranın şəxsi problemi var idi, Rail də tam hazır deyildi. Ancaq meydana çıxanlar da bacardıqlarını etdilər.

 

- Peyman Babayidən razısınız?

- Həmişə demişəm ki, bizim çempionat çətindi. Peymanda potensial, istək var. Bəli, əvəzlənməyini istədi. Ancaq bu, əzələsinin dartılması ilə əlaqədar idi. Ona vaxt lazımdı.

 

- Ardıcıl 2 məğlubiyyət futbolçularınıza necə təsir edir?

- Fərq etmir, kimə uduzursan. Hər bir yenilgi xoşagəlməzdi. Ancaq hər bir məğlubiyyətdən dərs çıxarmalıyıq. Ancaq onu da qeyd edim ki, “Qəbələ” və “Qarabağ”la başlamışıq.

 

- İki fərqli “Sumqayıt” izlədik. Doğrudanmı “Sumqayıt”a 2-ci hissədə oyuna daxil olan Əfransız çətindi?

- Əfran ən vacib futbolçularımızdandı. Ancaq unutmayaq ki, hesabda geridə idik. Bu üzdən də irəli atılmışdıq. Bütün hallarda, Əfran təcrübəli oyunçudu. O, bizim üstünlüyümüzdü.

 

- Qəbələdə də, burda da Rəşad Əzizli uzaq məsafədən qol buraxdı. Mehdi Cənətova güvənmək fikriniz varmı?

-  Mehdiyə güvənirik. Ancaq Rəşadda səhv görmürəm. Qarşıdakı oyunlarda Mehdini də, Rəşadı da görəcəyik.

 

-  Uzaq məsafədən zərbə yox idi...

-  Razılaşıram. Bunun üzərində işləyirik. Bu gün rəqib əksər hallarda imkan vermirdi. Ancaq şanslar var idi. Keyfiyyətli zərbə vura bilən futbolçularımız var. Təəssüf ki, istifadə etmədilər. Demək bunun üzərində daha çox işləməliyik.




CEYHUN ƏLİYEV

22 Fevral 2019
21 Fevral 2019
B.eÇ.aÇC.aCŞB