TOP 10

Qurban Qurbanov iddialıdı: “Sabah ən yaxşı futbolumuzu oynamalıyıq”

Futbol
Tarix: 2018-10-10 15:14

Millətlər Liqasının qrup mərhələsinin 3-cü turu çərçivəsində Torshavnda Farer adaları yığmasının qonağı olacaq Azərbaycan millisinin baş məşqçisi Qurban Qurbanov mətbuat konfransı keçirib. Sport24.az-ın adalara ezam olunmuş əməkdaşının verdiyi məlumata görə təcrübəli mütəxəssislə birgə “Aleksandriya”nın müdafiəçisi Pavel Paşayev (P.P.) də konfransda iştirak edib. İlk olaraq baş məşqçi oyun barədə fikirlərini bildirib.

 

- Bu gün danışmaqdan çox, sabah meydanda daha çox iş görməliyik. Rəqibi tanıyırıq və bilirik ki, yaxşı şansı var. Biz isə sabahkı şansımızdan istifadə etməyə yaxşı hazırlaşmışıq.

 

- (P.P.) Rəqibi təhlil etmişik. Taktiki cəhətdən intizamlı komandadı. Düzdü, uzun yol qət etmişik. Bir qədər istirahət etmişik. Ümid edirəm ki, sabah yaxşı oyun göstərə biləcəyik.

 

- Süni örtüklü meydan və futbolçularımızın öyrəşmədiyi yağışlı iqlim yetirmələrinizə nə dərəcədə mane olacaq? Üstəlik, meydançanın ölçüləri də bir qədər standartlardan kiçikdi.
- Meydançayla tanış oldum. Düşünürəm ki, hava şəraitinin bizə problemi olmayacaq. Çünki bu şərait hər iki komanda üçün eynidi. Meydançanı gəzdim, hiss olunur ki, standartlardan bir qədər fərqlənir. Ancaq biz diqqətimizi rəqibə yönəltməliyik. Hərçənd, meydançanın ölçüsü və süni örtüklü olması bizə bir qədər problemlər yaşadacaq. Ancaq inanıram ki, uşaqlar sabah bacardıqlarını ortaya qoyacaqlar.

 

- Həmkarınız Lars Olsen bir qədər öncə keçirdiyi mətbuat konfransında Azərbaycan yığmasına yol yorğunçuluğuna görə çətin olacağını bildirdi. Siz necə düşünürsünüz, futbolçularımız 14 saatlıq yorğunluğu qalan saatlar ərzində üzərlərindən ata biləcəklərmi?
- Nə mən, nə də futbolçular bu barədə düşünmürük. Sabah ən yaxşı futbolumuzu oynamalıyıq.


- Millətlər Liqasının görüşlərində yığmamız “dişsizlik”lə yadda qalıb. Üstəlik, Ramil Şeydayev də “Krılya Sovetov”da oyun praktikasından məhrumdu. Bunun fonunda Rüfət Dadaşovun sabah start heyətində çıxmaq perspektivləri nə dərəcədə realdı və məşqdə gördüklərinizə əsasən “Prosen”in forvardı 90 dəqiqə mübarizə aparmağa hazırdımı?
- Rüfət bizimlə cəmi 2 məşq edib. Bu toplanışda ümumiyyətlə, az məşq etmişik. Sabah səhərki məşqdən sonra qəti qərar verəcəm. Hal hazırda heç bir problem və heç bir futbolçu çatışmazlığı haqda düşünmürəm. Komandamın tam hazır olduğunu və möhkəm kollektiv kimi meydana çıxacağını düşünürəm.
 

 

CEYHUN ƏLİYEV, Torshavn

15 Dekabr 2018
14 Dekabr 2018
B.eÇ.aÇC.aCŞB