TOP 10

“Qarabağ” Azərbaycanı 1 pillə irəli saldı

Futbol
Tarix: 2018-07-12 09:30

UEFA Çempionlar Liqasının və Avropa Liqasının 1-ci təsnifat mərhələsinin ötən gecə baş tutan oyunları Azərbaycanın UEFA reytinqindəki mövqeyinin dəyişməsinə səbəb olub. Sport24.az xəbər verir ki, ölkəmiz bu siyahıda 1 pillə irəliləyib.


Ötən gün Azərbaycanın avrokuboklardakı təmsilçilərindən “Qarabağ” yeni mövsümdə ilk oyununu keçirdi. Səfərdə Sloveniya çempionu “Olimpiya” (Lyublyana) ilə qarşılaşan Ağdam klubu qələbə qazandı - 1:0. 


Bu qələbə ölkəmizin xal ehtiyatının yaxşılaşmasına səbəb olub. Ağdam klubu Azərbaycanın reytinqinə 0.250 xal yazdırıb. Bu isə Belarusu geridə qoyaraq 1 pillə irəliləməyimiz üçün bəs edib. 


Hazırda UEFA reytinqində 55 ölkə arasında 21-ci pillədəyik. Azərbaycanın hesabında 16.875 reytinq xalı var. Onun hələlik 0.250 xalı cari mövsümdə qazanılıb.


Onu da əlavə edək ki, klublarımızın təsnifat mərhələsindəki istənilən qələbəsi Azərbaycana 0.250 reytinq xalı qazandırır. Heç-heçə isə 0.125 xal verir. Qrup mərhələsində heç-heçə 0.250, qələbə 0.500 xalla qiymətləndirilir.
 

22 Sentyabr 2018
21 Sentyabr 2018
B.eÇ.aÇC.aCŞB