Xəbər Lenti

    Azərbaycan cüdoçuları Abu-Dabidə 4 medal qazandılar

    CüdoTarix: 2017-10-28 20:02:00
    ...

    Birləşmiş Ərəb Əmirliklərinin paytaxtı Abu-Dabi şəhərində cüdo üzrə “Böyük Dəbilqə” beynəlxalq turnirinə yekun vurulub. Sport24.az xəbər verir ki, yarışın sonuncu günü də Azərbaycan cüdoçuları uğurla çıxış edərək daha iki medal qazanıblar.

    Qadınların mübarizəsində +78 kq çəki dərəcəsində mübarizə aparan İrina Kindzerskaya yarımfinalda Rusiya cüdoçusu Kseniya Çibisovaya qalib gəlib. Təmsilçimiz həlledici qarşılaşmada hollandiyalı Tessie Savelkoulsa uduzaraq gümüş medala sahib çıxıb.

    Kişilərin yarışında 90 kq çəki dərəcəsində ölkəmizi təmsil edən Məmmədəli Mehdiyev isə mötəbər turnirin bürünc medalını qazanıb. Mehdiyev 3-cü yer uğrunda görüşdə rusiyalı Aleksandr Roslyakovu məğlub edib.

    Bununla da, Azərbaycan millisi Abu-Dabi “Böyük Dəbilqə” beynəlxalq turnirini 2 gümüş və 2 bürünc medalla başa vurub. Nicat Şıxəlizadə (66 kq), İrina Kindzerskaya (+78 kq) gümüş, Rüstəm Orucov (73 kq) və Məmmədəli Mehdiyev (90 kq) bürünc medal qazanıb.

    Qeyd edək ki, 47 ölkədən 277 idmançının (172 kişi, 105 qadın) mübarizə apardığı mötəbər birincilikdə Azərbaycan milli komandası 11 cüdoçu (8 kişi, 3 qadın) ilə təmsil olunub.
     

Topaz Premyer Liqası
Komanda O Q H M T/F X
Qarabağ 10 8 1 1 17-4 25
Zirə 11 7 3 1 19-8 24
Qəbələ 11 7 1 3 16-11 22
Sumqayıt 11 5 1 5 14-15 16
Neftçi 11 4 1 6 12-11 13
Səbail 10 3 0 7 6-16 9
Keşlə 11 2 2 7 8-17 8
Kəpəz 11 2 1 8 7-17 7
I Divizion
Komanda O Q H M T/F X
Qaradağ L. 8 6 2 0 13-5 20
MOİK 8 5 2 1 15-6 17
Turan Tov. 8 4 2 2 12-10 14
Xəzər 8 3 3 2 9-5 12
Binə 8 3 2 3 9-5 11
Mil-Muğan 8 3 1 4 11-15 10
Şüvəlan 8 3 1 4 8-9 10
Sabah 8 3 1 4 11-12 10
Ağsu 8 2 2 4 10-15 8
Zaqatala 8 0 0 8 2-18 0