Xəbər Lenti

    "Qarabağ"ın "quru seriya"sı: 2 il öncəki rekord məhsuldarlıqla yeniləndi

    FutbolTarix: 2017-08-17 13:01:00
    ...

    "Qarabağ" Çempionlar Liqasının (ÇL) təsnifat mərhələsində evdə qol buraxmayıb. Sport24.az xəbər verir ki, Ağdam klubu 3 mərhələdə öz meydanında qapısını toxunulmaz saxlaya bilib.

    Bu, II təsnifat mərhələsində "Samtredia" (Gürcüstan, 5:0), III təsnifat mərhələsində "Şerif" (Moldova, 0:0) və pley-offda "Kopenhagen"lə (Danimarka, 1:0) matçlarda olub.

    Qurban Qurbanovun komandası indiyədək bir dəfə belə göstəriciyə nail olub. Bu, 2 il öncə olsa da, onda bütün oyunlar ÇL-də olmamışdı. Belə ki, "Qarabağ" həmin turnirdə "Rudar" (Çernoroqiya) və "Seltik"lə (Şotlandiya) qolsuz bərabərliyə qalmış, Avropa Liqasının pley-offunda "Yanq Boyz"a (İsveçrə) böyük hesabla qalib gəlmişdi - 3:0. Ancaq ağdamlılar onda indikindən 2 dəfə az qol vurmuşdu.

    "Qarabağ" digər mövsümlərdə təsnifat mərhələsində evdə qapısında top görüb. Sonuncusunun müəllifi ötən ilin avqustun 2-də ÇL-in III təsnifat mərhələsində "Viktoriya"nın futbolçusu Mikael Krmençik olub. Çexiya klubunun hücumçusu 85-ci dəqiqəsində hesabı 1:1 etməklə "Qarabağ"ı Avropanın ən nüfuzlu klub turnirindən kənarda qoyub. 

    Təmsilçimiz ÇL-də bu mövsüm 5 oyunda cəmi 1 qol buraxıb. O da Moldovadakı oyunun son saniyələrdə penaltidən. "Qarabağ" 2 il öncə də təsnifat mərhələsində 1 qol buraxmışdı. Ancaq bu, 5 yox, 6 matçda olub. 

    Xatırladaq ki, "Qarabağ"ın 2013-cü ildən avrokuboklarda qapısını Bosniya və Herseqovina millisinin üzvü İbrahim Şehiç qoruyur. Bu müddətdə yalnız 1 matçda "çərçivə" sahibi başqası olub. Bu, cari mövsümdə "Samtredia"ya 1:0 hesabı ilə qalib gəldiyimiz matçda ukraynalı Anton Kanibolotski olub. 

     

Topaz Premyer Liqası
Komanda O Q H M T/F X
Qarabağ 5 5 0 0 12-3 15
Zirə 6 4 2 0 12-5 14
Qəbələ 5 3 1 1 8-5 10
Inter 6 2 2 2 7-7 8
Sumqayıt 5 2 1 2 5-6 7
Səbail 5 2 0 3 4-6 6
Neftçi 5 0 1 4 2-7 1
Kəpəz 6 0 1 5 3-11 1
I Divizion
Komanda O Q H M T/F X
Turan 26 18 7 1 62-11 61
Səbail 26 18 3 5 80-25 57
Ağsu 26 16 5 5 63- 21 53
Qaradağ L. 26 17 1 8 64-31 52
Zaqatala 26 15 4 7 69-31 49
Şəmkir 26 15 3 8 41-20 48
Mil Muğan 26 13 5 8 53-33 44
MOİK 26 10 6 10 47-31 36
Şahdağ 26 8 6 12 36-45 30
Şərurspor 26 7 4 15 36-54 25
Energetik 26 5 5 16 25-86 20
Bakılı 26 3 2 21 30-99 11
Rəvan 26 6 1 19 24-70 10
Göyəzən 26 2 4 20 20-99 10