Xəbər Lenti

    Azərbaycan çempionunun potensial rəqibi: İlk dəfə bu il çempion olan 87 yaşlı "qoca"

    FutbolTarix: 2017-07-15 12:48:00
    ...

    "Qarabağ"ın Çempionlar Liqasının potensial rəqiblərindən olan "Kukesi"nin 87 yaşı var. Sport24.az xəbər verir ki, Albaniya təmsilçisi 1930-cu il martın 4-də yaradılıb.

    Klubun ilk adı "Şöqeriya" olub. İkinci Dünya Müharibəsinin ardından ilk dəfə III liqada mübarizə aparan komanda 1958-ci ildə "Perperami" adını daşımağa başlayıb. 2010-cu ildə yenidən ad dəyişikliyinə gedən rəhbərlik bu dəfə "Kukesi" adını verib.

    2012/13 mövsümündə ilk dəfə II liqa çempionu kimi elitaya vəsiqə qazanan "Kukesi" yüksək liqadakı ilk mövsümündəcə gümüş medala yiyələnərək, Avropa Liqasında iştirak hüququ qazanıb. Bundan sonra da ardıcıl 2 dəfə (2013/14, 2014/15) çempionatı 2-ci sırada tamamlayan, 2015/16 mövsümündə isə "bürünc"lə kifayətlənən klub, nəhayət ki, ötən mövsüm tarixinin ilk çempionluğunu qazanıb. "Kukesi" həmçinin 1 dəfə Albaniya kubokunu (2015/16), 1 dəfə də Superkubokunu (2016) muzeyinə aparıb.

    2013/14 mövsümündə avrokuboklarda debüt etməsinə baxmayaraq, kifayət qədər təhlükəli rəqib olduğunu qısa müddətdə göstərməyi bacarıb. İlk mövsümündə Avropa Liqasında 3 mərhələ keçən albanlar yalnız pley-offda "Trabzonspor" səddinə "ilişiblər". 2014/15 mövsümündə Avropa Liqası ilə erkən vidalaşan komandamızın potensial rəqibi 2015/16 mövsümündə 2, ötən mövsüm isə 1 mərhələ adlaya bilib. Bu mövsüm tarixində ilk dəfə Çempionlar Liqasında mübarizə aparan "göy-ağlar" Moldova çempionu "Şerif"lə keçirdiyi II mərhələnin ilk görüşündə səfərdə 0:1 hesabı ilə məğlub olub.

    Yerli mütəxəssis Ernest Qyokanın başçılıq etdiyi komandada 8 əcnəbi oyunçu mövcuddur. Bunlar Braziliya (2), Kosovo (2), Makedoniya, İsrail, Xorvatiya və İspaniya təmsilçiləridir.

Topaz Premyer Liqası
Komanda O Q H M T/F X
Zirə 5 4 1 0 11-4 13
Qarabağ 4 4 0 0 8-2 12
Qəbələ 5 3 1 1 8-5 10
Inter 5 2 1 2 6-6 7
Sumqayıt 5 2 1 2 5-6 7
Səbail 4 1 0 3 3-6 3
Neftçi 5 0 1 4 2-7 1
Kəpəz 5 0 1 4 3-10 1
I Divizion
Komanda O Q H M T/F X
Turan 26 18 7 1 62-11 61
Səbail 26 18 3 5 80-25 57
Ağsu 26 16 5 5 63- 21 53
Qaradağ L. 26 17 1 8 64-31 52
Zaqatala 26 15 4 7 69-31 49
Şəmkir 26 15 3 8 41-20 48
Mil Muğan 26 13 5 8 53-33 44
MOİK 26 10 6 10 47-31 36
Şahdağ 26 8 6 12 36-45 30
Şərurspor 26 7 4 15 36-54 25
Energetik 26 5 5 16 25-86 20
Bakılı 26 3 2 21 30-99 11
Rəvan 26 6 1 19 24-70 10
Göyəzən 26 2 4 20 20-99 10