Xəbər Lenti

    "Bu, bizim gücümüzə güc qatacaq" - Nailxan Nəbiyev

    DigərTarix: 2017-03-16 18:12:00
    ...

    Ağır atletika üzrə 94 kiloqram çəki dərəcəsində İslamiadada çıxış edəcək gənclərin Avropa çempionu Nailxan Nəbiyevin Sport24.az-a müsahibəsi

    - Islamiadaya hazırlıq necə keçir?

     - Hazırlıq çox yüksək səviyyədə gedir. Məşqləri atam, həm də şəxsi məşqçim olan Xanlar Nəbiyevlə keçirik. Evdə olduğum üçün atam hər məsələyə nəzarət edir. Vaxtında yemək, yatmaq və s. 

    - Yığma ilə məşq keçməməyinin səbəbi nədi?

    - Dirsəyimdə zədə var. Bununla bağlı həftədə üç dəfə müalicə üçün həkim yanına gedirəm. Evdən gedib-gəlmək mənim üçün daha rahatdı.

    - Ağır atletikada İslam ölkələrinə nəzər saldıqda, əsasən İran, Türkiyə, Misir və Qazaxıstan diqqət çəkir. Qazaxıstanın 1 illik disvalifikasiya olunduğunu nəzərə alsaq, çox güman ki, əsas rəqiblərin də məhz ilk üç ölkədən olacaq...

    - Bəli, bu üç ölkənin atletlərini daha ciddi rəqib kimi qəbul edirəm. Amma deyim ki, bizimkilər yarışa çox yaxşı hazırlaşır. Həm də yerli publika amili var. Bu, bizim gücümüzə güc qatacaq.

    - Son Avropa çempionatında mükafata layiq nəticə qazanacağın proqnozlaşdırılırdı. Nə çatmadı?

    - Mən 94 kiloqramda çıxış etsəm də çəkim həmişə az olub. Həmin yarışa çıxanda isə lap aşağı düşmüşdü. Cəmi 87 kilo idim. Bədənim çox zəifləmişdi.

    - Hazırkı forman nə deyir, İslamiadada uğurlu çıxış gözləyək səndən?

    - Yaxşı olmalıdı nəticə. Məşqlərim, qaldırdığım çəkilər belə deməyə əsas verir.

    - Komanda yoldaşlarından başqa kimlərin medala layiq çıxış edəcəyini gözləyirsən?

    - Bütün uşaqlar səylə hazırlaşır. Hər biri doğma azarkeşlər önündə yaxşı çıxış etmək istəyir. Amma deyim ki, son nəticələrə görə 56 kiloqramda Elmar Alıyev, 85-də Ceyhun Tağızadə, eləcə də mənimlə bir çəkidə çıxış dən Rövşən Fətullayevin daha yaxşı çıxış edəcəyi gözlənilir.

    SAHİB ƏSƏDBƏYLİ

Topaz Premyer Liqası
Komanda O Q H M T/F X
Qarabağ 7 6 1 0 14-3 19
Zirə 8 5 3 0 15-5 18
Qəbələ 8 5 1 2 11-8 16
Sumqayıt 8 3 1 4 8-11 10
İnter 8 2 2 4 7-11 8
Neftçi 8 2 1 4 9-9 7
Səbail 7 2 0 5 4-12 6
Kəpəz 8 1 1 6 5-14 4
I Divizion
Komanda O Q H M T/F X
Qaradağ L. 2 2 0 0 3-1 6
Xəzər 2 1 0 1 4-1 3
Şüvəlan 2 1 0 1 3-1 3
MOİK 2 1 0 1 3-2 3
Binə 2 1 0 1 2-1 3
Sabah 2 1 0 1 2-2 3
Mil-Muğan 2 1 0 1 1-2 3
Ağsu 2 1 0 1 1-3 3
Turan Tov. 2 1 0 1 1-4 3
Zaqatala 2 0 0 2 1-4 0