Xəbər Lenti

    İslam Oyunlarının favoriti – Azərbaycan!

    V BUCAQMüəllif: Sahib Əsədbəyli
    ...
    Bakının ev sahibliyi edəcəyi sayca IV İslam Həmrəyliyi Oyunlarının başlanmasına 44 gün qalır. 20 növ üzrə təşkil olunacaq turnirdə 53 ölkədən 5000-dən çox idmançının iştirakı nəzərdə tutulub. Bu idmançılar 279 medal dəsti uğrunda mübarizə aparacaq.
    
    Meydan sahibi olduğumuzdan əsas diqqət təbii olaraq, təşkilati məsələlərə yönəlsə də, məsul yarışda idmançılarımızın hansı nəticəni göstərəcəyi də böyük maraq doğurur. Durumu ümumən xarakterizə edərkən, nəticələrin yüksək olacağı qənatinə gəlmək olur.
    
    Bu, rəsmi formada sayca dördüncü olsa da, bunadək cəmi 2 belə Oyunlar keçirilib: 2009-cu ildə İranda keçirilməli olan ikinci İslamiada siyasi səbəblərdən ləğv olunub.
    
    İştirak etdiyimiz iki Oyunlara əsasən ehtiyat qüvvə ilə qatılsaq da, toplam 39 medal qazanmağa müvəffəq olmuşuq. Bunlardan 10-u qızıl, 13-ü gümüş, 16-sı bürünc medaldı. Bu nəticələrlə iki turnirin nəticəsinə görə 10-cu sırada qərarlaşırıq.
    
    Belədə, doğma “divarlar arası”nda, ayrı-ayrı növlər üzrə bir nömrəli idmançılarla təmsil olunacağımız "Bakı-2017"-də daha uğurlu çıxış edəcəyimiz, nəticəni iki hətta, yazının məcrasını qabaqlayaraq qeyd edək ki, bir neçə dəfə yaxşılaşdıracağımız gözləniləndi.
    
    Turnir dövlət səviyyəsində nə qədər ciddi əhəmiyyət kəsb etsə də, vurğulamaq gərəkdi ki, İslamiada ayrı-ayrı beynəlxalq federasiyaların rəsmi proqramında yer almır. Belədə isə ölkələr, təbii olaraq, diqqəti həmin ərəfədə keçirilməli olan rəsmi yarışlara yönəltməli olur. "Bakı-2017" İslam Həmrəyliyi Oyunlarının keçirildiyi ərəfədə də bir çox növlər üzrə qitə birincilikləri, növlər üzrə Olimpiadaya lisenziya xarakterli yarışların keçirilməsi planlaşdırılır. Ev sahibi qismində çıxış etdiyimizdən Azərbaycanın əsas diqqəti digər yarışlara deyil, məhz İslam Həmrəyliyi Oyunlarına yönəlib.
    
    Bütün kütləvi idman tədbirlərində olduğu kimi, güləşçilərimiz xüsusən diqqət mərkəzindədi. Kişi sərbəst güləşçilərin və yunan-Roma üsuli ilə güləşən pəhləvanlarımızın medal baxımından maksimuma yaxın nəticə göstərəcəyi söhbət mövzusudu. Rusiya, ABŞ, Kuba və digər güclü güləş ölkələrinin miqyası əhatə etməməsi komandamızın favoritliyinə yalnız İran və Türkiyəni şərik edir. Qadın sərbəst güləşçilərimizin isə, Avropa çempionatlarında liderlər arasında olduğunu nəzərə alsaq, onlar Rusiya və Ukraynanın, üstəlik, Yaponiya və Monqolustanın əhatə etmədiyi miqyasda əsas favoritdi.
    
    Sadalanan prinsiplər digər növlərdə də nəticə baxımından ən optimist formada danışmağa əsas verir. Əsasən cüdo - paracüdo, boks, taekvondo, karate olmaqla, bütün idman növlərindən yüksək nəticələr gözləməyə dəyər.
    
    
Topaz Premyer Liqası
Komanda O Q H M T/F X
Qarabağ 28 18 6 4 46-14 62
Qəbələ 28 14 10 4 48-21 52
İnter 28 11 10 7 39-33 43
Zirə 28 10 9 9 29-26 39
Kəpəz 28 9 9 10 24-27 36
Sumqayıt 28 9 8 11 28-35 35
Neftçi 28 9 2 17 24-45 29
AZAL 27 1 7 20 13-50 10
I Divizion
Komanda O Q H M T/F X
Turan 26 18 7 1 62-11 61
Səbail 26 18 3 5 80-25 57
Ağsu 26 16 5 5 63- 21 53
Qaradağ L. 26 17 1 8 64-31 52
Zaqatala 26 15 4 7 69-31 49
Şəmkir 26 15 3 8 41-20 48
Mil Muğan 26 13 5 8 53-33 44
MOİK 26 10 6 10 47-31 36
Şahdağ 26 8 6 12 36-45 30
Şərurspor 26 7 4 15 36-54 25
Energetik 26 5 5 16 25-86 20
Bakılı 26 3 2 21 30-99 11
Rəvan 26 6 1 19 24-70 10
Göyəzən 26 2 4 20 20-99 10