Xəbər Lenti

    Əbədi məhəbbət nağılı

    V BUCAQMüəllif: Ceyhun Əliyev
    ...
    Üçüncü sinfə keçmişdim. Həmişə olduğu kimi, nənəm bizi (qardaşımla) kəndə aparmışdı. Söhbət ötən əsrin 83-cü ilindən gedir. Axşam xəbər gəldi: “Şulka”nın başına kino gətirəcəklər”. Hə, əziz oxucu, kənd əhli “şulka” dediyi yer müharibə dövründə “suşilka” (pambıqqurudan məntəqə) adlanıb. Həmin “şulkanın başı”nda hind filmi nümayiş etdiriləcəkdi. Hava qaranlıqladı və axşam saat 10-da proektor işə düşdü. Uşaq idim, elə bu səbəbdən də sonadək izləmədim filmi. Ancaq adı bu gün də yadımdadı – “Əbədi məhəbbət nağılı”...
    
    ...2001-ci ilin apreli idi. Həftədə 2 dəfə çıxan “Futbol+” qəzetində belə bir elana rast gəldim: “Qəzetimiz həftədə 3 dəfə dərc olunmağı planlaşdırır və bununla əlaqədar reportyor müsabiqəsi elan olunur”.
    
    ...Mayın 9-da ilk dəfə hər səhəri səhifələrini “yediyim” qəzetdə yazım dərc olundu. Azərbaycan futzalının canlı əfsanəsi Ağatahir Əzimovla müsahibəm müsabiqədən üzüağ çıxmağımın göstərici oldu. Həmin gün daha bir debütant yazısı dərc olundu. Bu, hazırda “Xəzər” TV-də çalışan Ceyhun Rzayev idi. Bir neçə gün sonra hazırda çıyın-çiyinə Sport24.az-ın uğurları üçün çalışdığım Mehman Süleymanov, “Futbol+”-un şöbə redaktoru Kənan Həsənov və ATV kanalında çalışan Bəxtiyar Fətullayevin imzaları da “Futbol+” məkətbinin Azərbaycan idmanına dair debütantları sırasına qoşuldu. Və Səbuhi Səfiyarlı, İlkin Fikrətoğlu, Elnur Məmmədli kimi imza sahibləri ilə “poqon yoldaşı” olmaq bizə nəsib oldu. Qəzetin “sükan”ı Mahir Rüstəmlidə, “onurğa sütunları” isə şöbə redaktorları – Rövşən Sultanov və Vüsal Mahmudov idilər...
    
    İllər ötür, nəsillər dəyişirdi, “Futbol+” isə idman jurnalistikasının “istehsalat makinası” rolunu davam etdirirdi. İlk yazımdan 17 ilə yaxın vaxt ötüb. “Futbol+” redaksiyasında isə neçə-neçə nəsillər dəyişib. Biz mobil telefonla müsahibə götürmədik, biz AFFA-nın qapısını kəsən Raya xalanı Kriştiano Ronaldonun bacarmadığı fintlər hesabına keçib informasiyalar əldə etdik, biz oxuduğumuz məktəbi ən yaxşı şəkildə təmsil etmək üçün heç bir çətinliyə qatlaşmadıq. Bu gün isə sevimli məktəbimizin iqtisadi baxımdan Azərbaycan kimi qeyri-sabit bir ölkədə fantastik görünən 20 yaşı (!!!) tamam olur. 20 yaş! 
    
    ...Qəribə səslənsə də, “Futbol+” bir, beş, on, yüz, min nəfərin sevgilisi deyil, bu qəzetə “əbədi məhəbbət nağılı” kimi baxanların sayı 10, 100 minlərlədi. “Futbol+”da beş gün də çalışmış, 5 il də çalışmış jurnalist o möhtəşəm auranı daim yaşamağa məhkumdu. Bu “şinel”dən çıxanlar hər məclisdə, hər tədbirdə, hər söhbətdə “MƏN “FUTBOL+” MƏKTƏBİNİN YETİRMƏSİYƏM” deməkdən qürur duyur. Bu, bir günlük məhəbbət deyil. Bu, əsl əbədi məhəbbət nağılıdı! Gora qədər bu şineldən çıxanlarla addımlayacaq!
    
    Doğum günün, yubileyin mübarək, əbədi məhəbbətim!
     
    
    CEYHUN ƏLİYEV
Topaz Premyer Liqası
Komanda O Q H M T/F X
Qarabağ 8 6 1 1 14-4 19
Qəbələ 9 6 1 2 12-8 19
Zirə 9 5 3 1 16-7 18
Sumqayıt 9 4 1 4 10-12 13
Neftçi 9 3 1 5 10-9 10
Səbail 8 3 0 5 5-12 9
İnter 9 2 2 5 7-12 8
Kəpəz 9 1 1 7 5-15 4
I Divizion
Komanda O Q H M T/F X
Qaradağ L. 4 3 1 0 7-3 10
Sabah 4 2 1 1 7-2 7
Binə 4 2 1 1 5-1 7
MOİK 4 2 1 1 5-3 7
Turan T. 4 2 1 1 5-7 7
Xəzər 4 1 2 1 6-3 5
Şüvəlan 4 1 1 2 2-3 4
Mil-Muğan 4 1 1 2 4-7 4
Ağsu 4 1 1 2 4-7 4
Zaqatala 4 0 0 4 1-12 0