Xəbər Lenti

    9 aprelə doğru

    HƏQİQƏT ANIMüəllif: Ceyhun Əliyev
    ...
    Həqiqət anı. Hər kəsin həyatında bu cür epizodlar yaranır. Azərbaycan Premyer Liqasında da həqiqət anı yetişib. Mövsümün əvvəlində  proqnozlaşdırılan mübarizə zirvə nöqtəsinə çatıb. “İki qoçun başı bir qazana” təcavüz edib. “Qazan” nə qədər qaynasa da, “başlar”dan biri kənara atılmağa məhkumdu...
    
    Son üç mövsümün əvəzsiz çempionu “Qarabağ” bu il həm əyani, həm qiyabi rəqiblə üzləşib. Maraqlıdı ki, qızıl medallar uğrunda mübarizədə “süvarilər”in əsas rəqibi də son 3 çempionatda sabit nəticəyə imza atıb. Hər üç halda “Qəbələ” bürünc mükafatlara layiq görülüb. Ancaq bu sabitliyin arxasında fərqlilik də var. Əgər Ağdam təmsilçisi bu uğurların hər birinə Qurban Qurbanovun rəhbərliyi altında imza atıbsa, “qırmızı-qaralar” bu müddət kəsiyində 3 baş məşqçi görüblər. Doğrudu, son iki çempionatın finiş xəttinə “Qəbələ” Roman Qriqorçukun rəhbərliyi altında çatıb. Ancaq fakt budu ki, ilk cəhdində ukraynalı mütəxəssis mövsümün yarısında iş başında olmuşdu. 
    
    Fərqlərdən danışarkən, heyət baxımından da komandalarda fərqlilik hiss olunur. Qurbanov uzun illərdi komandasının özəyini qoruyuduğu halda, onun vizavisi çoxsaylı rotasiyalara əl atır. Bunun da obyektiv səbəbləri var. Ölkəmizə gəlişi qışa təsadüf edən Qriqorçuk istədiyi heyəti tam formalaşdıra bilməzdi. Ötən mövsüm bunu həyata keçirmişdi ki, büdcənin azaldılması onu yeni komanda qurmağa məcbur etdi. Ancaq bir qədər təzadlı səslənsə də, müasir “Qəbələ” tarixinin ən baxımlı futbolunu sərgiləyir.
    
    Çempionatın startında “Qarabağ” rəqibinə müəyyən fora versə də, təcrübə və soyuqqanlıq hesabına nəinki fərqi aradan qaldırdı, hətta üstünlük də qazanmağı bacardı. İlk iki dövrədə öz aralarındakı matçlarda hərəyə bir qələbə qazanan komandaların növbəti dueli əyalətdə baş tutdu və “Qəbələ” aradakı 3 xallıq fərqi qaldırmağı bacardı. İndi isə “Qəbələ” çempiondan 1 addım öndədi. Tarix ərzində “qırmızı-qaralar” “qazan”a bu qədər yaxın olmayıblar. Ancaq...
    
    Bax, bu “ancaq”lar, “əmma”lar Qriqorçukun yuxusunu ərşə çəkən məqamlardı. Çünki çempionluq oksigenindən udmaq təcrübəsini müqayisə etdikdə “Qarabağ” aşkar favoritdi. Fakt budu ki, çempionun əksər oyunçuları qızıl medal təamını görüb və bu cür gərgin mübarizə onları rəqibləri qədər həyəcanlandıra bilməz. Qurbanovun komandasına üstünlük qazandıran daha bir məqam “Qəbələ”yə qarşı 4-cü dövrənin görüşünü Suraxanıda keçirməsidi. Göründüyü kimi “süvarilər” həm psioxoloji, həm də təqvim baxımından üstün durumdadılar.
    
    Bəs, “qırmızı-qaralar”ın lehinə işləyən arqumentlər varmı? İlk növbədə komandaların lazaretinə nəzər yetirək. Hər iki tərəfin sıralarında kifayət qədər sanballı fiqurlar var. Amma bu ulduzlar toplumunda da seçilənlər mövcuddu. “Qarabağ”ın düşərgəsində bu, Dani Kintana, “Qəbələ”dən isə Filip Ozobiçdi. Lakin Kintana zədə səbəbindən 25-ci turda baş tutacaq görüşdə iştirak edə bilməyəcək. Ozobiç isə çempionatda at oynadır! Qriqorçukun lehinə işləyən daha bir faktor turnir cədvəlidi. Onun komandası 1 xallıq fərqi 25-ci turadək qoruya bilsə, Bakıda heç-heçəyə də oynaya bilər. Xallar bərabər olsa belə, heç-heçə “qırmızı-qaralar”a sərf edəcək: şəxsi görüşlərin saldosunda Qriqorçuk@CO üstündü.
    
    “Qoçların buynuzları”nın toqquşma səsi indidən eşidilir. Əlbəttə, budəfəki çempionluq mübarizəsində “həqiqət anı” daha çox “Qəbələ”yə yarayır. Çünki Qurban Qurbanov və komandası futbol tariximizə ardıcıl 3 damğa vurmağı bacarıb. Ancaq idmanda çempionluqdan doymaq mümkün deyil. Deməli, “süvarilər” də bu şirin anı ardıcıl 4-cü dəfə yaşamaq üçün dəridən-qabıqdan çıxacaqlar. Çempionluğun taleyinə böyük ölçüdə aprelin 9-da aydınlıq gələcək. Kim güləcək, kim ağlayacaq? Həqiqət anı bu suala aydınlıq gətirəcək. 
     
Topaz Premyer Liqası
Komanda O Q H M T/F X
Qarabağ 23 15 4 4 37-11 49
Qəbələ 23 13 8 2 42-13 47
İnter 23 10 9 4 33-23 39
Zirə 23 8 6 9 20-23 30
Neftçi 23 8 2 13 19-36 26
Sumqayıt 23 6 7 9 20-30 25
Kəpəz 23 5 9 9 16-24 24
AZAL 23 1 7 15 10-37 10
I Divizion
Komanda O Q H M T/F X
Turan 21 15 5 1 54-8 50
Səbail 21 14 2 5 64-23 44
Qaradağ L. 21 14 1 6 50-24 43
Zaqatala 21 13 2 6 60-26 41
Ağsu 21 12 4 5 49-20 40
Şəmkir 21 12 2 7 32-18 38
Mil Muğan 21 10 4 7 33-24 34
MOİK 21 8 6 7 38-23 30
Şərurspor 21 7 4 10 36-39 25
Şahdağ 20 5 5 10 25-36 20
Energetik 21 4 3 14 19-72 15
Göyəzən 21 2 4 15 16-75 10
Rəvan 21 6 1 14 24-55 10
Bakılı 20 2 1 17 22-79 7