Xəbər Lenti

    Utanırsızmı?!

    HƏQİQƏT ANIMüəllif: Kamal Rza
    ...
    Nicat Rəhimov və Ramil Quliyev... Bu adları birləşdirən nəsnə qürbətdə qazandıqları uğurlardı. Hər ikisi ölkə idmanındakı problemlərə qarşı çıxaraq, Azərbaycanı tərk etmək qərarına gəldilər. Zaman onların bu qərarının doğru olduğunu sübuta yetirdi. Ötən il Nicat ağırlıqqaldırmada Rio yay Olimpiya oyunlarının, Ramil isə dünən Londonda atletika üzrə dünya çempionatının qalibi oldu. 
    
    Ramil Quliyevin potensialına inananlar çox idi. Xüsusilə, rəhmətlik atası Eldar müəllim oğlunun karyerası ilə ciddi məşğul olurdu. Gənc yaşlarında Ramilin qazandığı nəticələr onun böyük idmançı olacağından xəbər verirdi. Təəssüflər olsun ki, ölkəmizin idman məmurları Quliyevin qədrini bilmədilər. Gənclər və idman naziri Azad Rəhimovla Milli Olimpiya Komitəsinin vitse-prezidenti Çingiz Hüseynzadə onu müxtəlif yollarla günahlandırmağa çalışdılar. Ramilin 3 il beynəlxalq yarışlarda iştirakına qadağa qoysalar da, o, sınmadı. Bacarmadılar. 
    
    Azərbaycan Atletika Federasiyası ilə Ramil arasında böyük qalmaqal yaşandı. Özü də atlet Çingiz Hüseynzadənin başçılıq etdiyi qurumun üzvü idi. Amma... Laqeydliklə üzləşən Ramil ölkəni tərk etmək qərarı verdi və nəticələr göz qabağındadır. Federasiyada baş verənlər barədə çox yazılıb, çox danışılıb. Hətta idmançının atası Eldar Quliyevin problemlər üzündən xəstəlik taparaq, vəfat etdiyi bildirilirdi. İndi Eldar müəllimin ruhu şad ola bilər. Onun arzusu həyata keçdi. Ramil bütün çətinləkləri dəf edərək, dünya çempionu oldu. Görəsən, atdığı addıma görə Ramili “fərari” adlandıranlar, bu qələbədən sonra utanırlarmı? Qələbədən sonra onun Azərbaycan bayrağı ilə dövrə vurması Vətəninə nə qədər bağlı olmasından xəbər vermirmi?
    
    Bəs, biz niyə öz insanımıza lazımi qiymət vermirik? Bu amil yalnız idmanda deyil, bütün sahələrdə qabarıq şəkildə özünü büruzə verir. Ölkənin potensiallı gəncləri bürokratik əngəllər, qeyri-peşəkar idarəetmə üzündən karyera qurmaqda çətinlik çəkirlər. Bütün sahələrdə uğur əldə etmək üçün Azərbaycan övladı hər cür potensiala malikdi. Sadəcə, sağlam inkişaf mühiti və rəqabətli cəmiyyət yaratmaq tələb ounur. Əfsuslar olsun ki, arxada qalan illər ərzində biz buna nail ola bilmədik. 
    
    P.S. Eyni gündə Lütfi Zadə vəfat etdi, Ramil Quliyev dünya çempionu oldu. Onlar Azərbaycanda doğulsalar da, başqa ölkəyə xidmət etdilər. Niyə? 
    
    
Topaz Premyer Liqası
Komanda O Q H M T/F X
Zirə 2 2 0 0 5-1 6
Qarabağ 2 2 0 0 4-1 6
Qəbələ 2 2 0 0 3-1 6
Səbail 2 1 0 1 2-2 3
Sumqayıt 2 1 0 1 2-2 3
İnter 2 0 0 2 1-3 0
Neftçi 2 0 0 2 1-4 0
Kəpəz 2 0 0 2 1-5 0
I Divizion
Komanda O Q H M T/F X
Turan 26 18 7 1 62-11 61
Səbail 26 18 3 5 80-25 57
Ağsu 26 16 5 5 63- 21 53
Qaradağ L. 26 17 1 8 64-31 52
Zaqatala 26 15 4 7 69-31 49
Şəmkir 26 15 3 8 41-20 48
Mil Muğan 26 13 5 8 53-33 44
MOİK 26 10 6 10 47-31 36
Şahdağ 26 8 6 12 36-45 30
Şərurspor 26 7 4 15 36-54 25
Energetik 26 5 5 16 25-86 20
Bakılı 26 3 2 21 30-99 11
Rəvan 26 6 1 19 24-70 10
Göyəzən 26 2 4 20 20-99 10