Xəbər Lenti

    "Zirə" Avropada 18-ci təmsilçimiz, Ayxan Abbasov rekordçu baş məşqçimiz

    TRİBUNA(L)Müəllif: Mehman Cahandar
    ...
    "Zirə" Azərbaycanın avrokuboklarda debüt edən 18-ci klubu olacaq. Sport24.az xəbər verir ki, zirəlilər "Turan" (Tovuz), "Kəpəz" (Gəncə), "Neftçi" (Bakı), "Xəzri" (Bakı), "Qarabağ" (Ağdam), "Bakı fəhləsi" (Bakı), "Dinamo" (Bakı, hazırkı "Bakı"), "Şəmkir", "Viləş" (Masallı), "Şəfa" (Bakı), "Xəzər Universiteti" (Bakı, hazırkı "İnter"), "Karvan" (Yevlax), "Xəzər Lənkəran", "MKT-Araz" (İmişli), "Olimpik" (Bakı, hazırkı "Şüvəlan"), "Simurq" (Zaqatala) və "Qəbələ"dən sonra UEFA bayrağı altında növbəti təmsilçimiz olacaq.
    
    Əslində, "Zirə" Topaz Premyer Liqasında debütündə ötən il baş məşqçisi Adil Şükürovun rəhbərliyi altında gümüş medalçı kimi Avropa Liqasına vəsiqə qazansa da, qitə futbol qurumu onu yarışa buraxmayıb. Buna səbəb "Zirə"nin peşəkar klub kimi həmin vaxt 2 il mövcud olmasıdı. UEFA-nın qaydasına görə isə avrokubok iştirakçısı ən azı 3 il peşəkar klub fəaliyyət göstərməlidi, Bu dəfə çempionatda 4-cü olan zirəlilər Şükürovun sabiq köməkçisi, indisə baş məşqçi olan Ayxan Abbasovla avrokuboklarda siftə edəcək.
    
    "Zirə" paytaxt təmsilçiləri arasında 90-ci illərdən mövcud olmayan Buzovna "Xəzri"si və Maştağa "Bakı fəhləsi" kimi qəsəbə təmsilçisi olacaq. Sadəcə, komanda onlardan fərqli təmsil etdiyi qəsəbənin adını daşıyır.
    
    "Zirə" avrokuboklarda 8-ci paytaxt təmsilçimiz olacaq. Göründüyü kimi, Avropadakı klublarımız daha çox əyaləti təmsil edib. Son olaraq debütantın 2014-cü ildə "Qəbələ" olduğunu nəzərə alsaq, Azərbaycan 3 ildən sonra UEFA yarışına debütantla gəlir.
    
    Abbasov 1994-cü ildən iştirak etdiyimiz qitəmiqyaslı turnirlərdə ən gənc baş məşqçilərimizdən biri olaraq adını futbol tariximizə yazdıracaq. 1981-ci ilin aqvstun 25-də anadan olan çalışdırıcının 36 yaşı hələ 2 ay sonra tamam olacaq. O, həm debütantlar, həm də ümumiyyətlə, avrokuboklardakı təmsilçilərimiz arasında ən gənc baş məşqçilərdən biri olaraq rekordçudu.
    
    Yaş göstəricisində mütləq rekordçu Qurban Qurbanovdu. O, buna 2009-cu ildən fasiləsiz baş məşqçisi olduğu "Qarabağ"la yox, "Neftçi"ylə nail olub. Bu, 2007-ci ildə UEFA kubokunda Avstriyanın "Rid" klubu ilə sınaq olub. Onda avrokuboklarda məşqçi kimi debüt edən Qurbanovun 35 yaşı ay 3 aydır tamam olub. Debütant klublar arasında rekordçu olan Mehman Allahverdiyev 1995-ci ildə "Kəpəz"lə UEFA kubokunda siftə edərkən 35 yaşı 7 aydır tamam olub. Abbasov isə 35 yaş 10 ayda debüt edəcək. Yəni o da 36 yaşı tamam olmamış rekordçulardan biri olacaq.
    
    Yeri gəlmişkən, Abbasov Qubanovun rəhbərliyi altında "Qarabağ"da avrokuboklarda oynayıb. "Zirə"nin baş məşqçisi daha öncə "Şəfa" və "MKT-Araz"ın heyətində futbolçu kimi avrokubok həyəcanı yaşayıb.
    
    Azərbaycan klublarının avrokuboklarda debütlərində baş məşqçiləri 
    
    "Turan" - Kazbek Tuayev, 54 yaş (1994-cü il, UEFA kuboku)
    
    "Kəpəz" - Mehman Allahverdiyev, 35 yaş 7 ay (1995-ci il, UEFA kuboku)
    
    "Neftçi" - Vaqif Sadıqov, 36 yaş (1995-ci il, Kuboklar kuboku)
    
    "Xəzri" - Nadir Qasımov, 46 yaş (1996-cı il, UEFA kuboku)
    
    "Qarabağ" - Elbrus Abbasov, 46 yaş (1996-cı il UEFA kuboku)
    
    "Bakı fəhləsi" - Nadir Qasımov, 48 yaş (1998-ci il, İntertoto kuboku)
    
    "Dinamo" (sonradan "Bakı") - Şamil Heydərov, 51 yaş (1998-ci il, UEFA kuboku)
    
    "Şəmkir" - Ağasəlim Mircavadov, 52 yaş (1999-cu il, UEFA kuboku)
    
    "Viləş" - Qəhrəman Əliyev, 42 yaş (2000-ci il, UEFA kuboku)
    
    "Şəfa" - Əsgər Abdullayev, 41 yaş (2001-ci il, UEFA kuboku)
    
    "Xəzər Universiteti" (sonradan "İnter") - Böyükağa Ağayev, 57 yaş (2004-cü il, İntertoto kuboku)
    
    "Karvan" - Fuad Yaman, 47 yaş (2005-ci il, İntertoto kuboku)
    
    "Xəzər Lənkəran" - Rasim Kara, 55 yaş (2005-ci il, UEFA kuboku)
    
    "MKT-Araz" - İqor Nakoneçnı, 46 yaş (2006-cı il, İntertoto kuboku)
    
    "Olimpik" - Əsgər Abdullayev, 48 yaş (2008-ci il, UEFA kuboku)
    
    "Simurq" - Roman Pokora, 61 yaş (2009-cu il, Avropa Liqası)
    
    "Qəbələ" - Dorinel Muntyanu, 46 yaş (2014-cü il, Avropa Liqası) 
    
    "Zirə" - Ayxan Abbasov, 35 yaş 10 ay (2017-ci il, Avropa Liqası)
    
     
    
    MEHMAN SÜLEYMANOV
Topaz Premyer Liqası
Komanda O Q H M T/F X
Qarabağ 28 18 6 4 46-14 62
Qəbələ 28 14 10 4 48-21 52
İnter 28 11 10 7 39-33 43
Zirə 28 10 9 9 29-26 39
Kəpəz 28 9 9 10 24-27 36
Sumqayıt 28 9 8 11 28-35 35
Neftçi 28 9 2 17 24-45 29
AZAL 27 1 7 20 13-50 10
I Divizion
Komanda O Q H M T/F X
Turan 26 18 7 1 62-11 61
Səbail 26 18 3 5 80-25 57
Ağsu 26 16 5 5 63- 21 53
Qaradağ L. 26 17 1 8 64-31 52
Zaqatala 26 15 4 7 69-31 49
Şəmkir 26 15 3 8 41-20 48
Mil Muğan 26 13 5 8 53-33 44
MOİK 26 10 6 10 47-31 36
Şahdağ 26 8 6 12 36-45 30
Şərurspor 26 7 4 15 36-54 25
Energetik 26 5 5 16 25-86 20
Bakılı 26 3 2 21 30-99 11
Rəvan 26 6 1 19 24-70 10
Göyəzən 26 2 4 20 20-99 10